(Source: ECI/ABP News/ABP Majha)
FIFA World Cup 2022: रोनाल्डो अन् मेस्सी यांच्यात रंगलाय बुद्धिबळाचा डाव; विराट कोहली म्हणतोय, "क्या फोटो है यार"
FIFA World Cup 2022: फुटबॉल जगतातील दोन मोठे स्टार्स एकत्र आले आहेत. विश्वचषकापूर्वी क्रिस्टियानो रोनाल्डो आणि लिओनेल मेस्सी यांनी फोटोशूट केले असून, दोघांचा फोटो सोशल मीडियावर व्हायरल झाला आहे.
FIFA World Cup 2022: फिफा फुटबॉल विश्वचषक 2022 ला काल (रविवार) पासून सुरुवात झाली. ग्रँड ओपनिंग सेरेमनीनंतर स्पर्धेतील सामन्यांना सुरुवात झाली. स्पर्धेत सहभागी झालेले 32 सामने कतारमध्ये पोहोचले आहेत. पण फिफाच्या ग्रँड ओपनिंग सेरेमनीपूर्वी एक फोटो जगभरात चर्चेचा विषय ठरला होता. तो फोटो होता, जग्गजेता लिओनेल मेस्सी (Lionel Messi) आणि फुटबॉल विश्वातील गोल मशिन ख्रिस्तियानो रोनाल्डोचा (Cristiano Ronaldo). हा फोटो सोशल मीडियावर प्रचंड व्हायरल होत होता. याफोटोत फुटबॉल विश्वातील दोन दिग्गज खेळाडू एकमेकांसोबत बुद्धिबळ खेळत असल्याचं पाहायला मिळालं.
पोर्तुगालचा स्टार फुटबॉलर ख्रिस्तियानो रोनाल्डो आणि अर्जेंटिनाचा स्टार फुटबॉलर लिओनेल मेस्सी यांचा समावेश फुटबॉलमधील दिग्गज खेळाडूंमध्ये केला जातो. या दोन्ही दिग्गज खेळाडूंचा हा शेवटचा फिफा वर्ल्डकप असल्याचं बोललं जात आहे. त्यामुळे आपल्या संघांचं नाव विश्वचषकावर कोरण्यासाठी दोन्ही खेळाडू प्रयत्नशील आहेत. अशातच स्पर्धेपूर्वी एक खास फोटोशूट करण्यात आलं होतं. त्या फोटोशूटसाठी मेस्सी आणि रोनाल्डो एकत्र आले होते. त्याच फोटोशूटमधील दोघांचा बुद्धिबळ खेळताना फोटो व्हायरल होत आहे.
View this post on Instagram
लुई व्हिटॉन स्पॉन्सर्ड असलेल्या या फोटोशूटमध्ये ख्रिस्तियानो रोनाल्डो आणि लिओनेल मेस्सी एकत्र बुद्धिबळ खेळताना दिसले. दोघांनीही त्यांच्या इंस्टाग्रामवर हा फोटो पोस्ट केला आणि या फोटोंना कोट्यवधी लाईक्स आले. मेस्सी, रोनाल्डोच्या फॉलोअर्समध्ये जगभरातील असंख्य चाहत्यांसोबतच टीम इंडियाचा माजी कर्णधार विराट कोहलीचाही समावेश आहे.
ख्रिस्तियानो रोनाल्डो आणि लिओनेल मेस्सी दोघांनीही हा फोटो आपापल्या सोशल मीडिया अकाउंट्सवर शेअर केला आहे. एवढंच नाहीतर दोघांनीही शेअर करताना एकच कॅप्शन दिलं आहे. विजय ही मनाची स्थिती आहे, असं कॅप्शन फोटो शेअर करताना दोघांनीही दिलं आहे.
भारताचा माजी कर्णधार विराट कोहलीनं रोनाल्डोच्या पोस्टवर कमेंट केली आहे. कोहलीच्या या कमेंटलाही अनेकांना लाईक केलं आहे. दरम्यान, टीम इंडियाचा माजी कर्णधार विराट कोहलीनं ख्रिस्तियानो रोनाल्डो हा त्याच्या आवडता खेळाडू असल्याचं वक्तव्य केलं आहे. काही दिवसांपूर्वी विराट कोहली आणि ख्रिस्तियानो रोनाल्डोनं एका जाहीरातील एकत्र कामही केलं होतं.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
