MI vs SRH 1st Innings Highlight : मुंबईचं हैदराबादला 193 धावांचं लक्ष्य, कॅमेरॉन ग्रीनची अर्धशतकी खेळी

MI vs SRH IPL 2023 1st Innings Highlight : आयपीएलच्या 24 व्या सामन्यात मुंबई इंडियन्स (Mumbai Indians) विरुद्ध सनरायझर्स हैदराबाद (Sunrisers Hyderabad) यांच्यात लढत पाहायला मिळत आहे.

MI vs SRH Live

हैदराबादने नाणेफेक जिंकत गोलंदाजीचा निर्णय घेतला. मुंबई संघाने पाच गडी बाद 192 धावांची खेळी केली.

आता हैदराबाद संघाला 193 धावांचं लक्ष्य दिलं आहे. मुंबई संघांची सुरुवात संथ गतीने झाली. पण त्यानंतर संघाने झटपट धावा केल्या.

हैदराबादच्या घरच्या मैदानावर खेळल्या जात असलेल्या आयपीएल 2023 मधील 25 व्या सामन्यात मुंबई इंडियन्सने पहिल्यांदा फलंदाजी करताना 20 षटकांत पाच गडी गमावून 192 धावा केल्या. सनरायझर्स हैदराबाद संघासमोर आता 193 धावांचं आव्हान आहे.

मुंबईकडून कॅमेरून ग्रीनने सर्वाधिक नाबाद 64 धावा केल्या. तसेच तिलक वर्माने 17 चेंडूत 37 धावा केल्या. ईशान किशनने 31 चेंडूत 38 धावांची दमदार खेळी केली.

कर्णधार रोहित शर्माने 18 चेंडूत 28 धावा केल्या. हैदराबादकडून मार्को जॅनसेनने सर्वाधिक दोन बळी घेतले.

मुंबई इंडियन्सकडून कॅमेरॉन ग्रीनने सर्वाधिक धावा केल्या. ग्रीनने 40 चेंडूत 6 चौकार आणि 2 षटकार ठोकत 64 धावांची चमकदार खेळी केली.

सनरायझर्स हैदराबादविरुद्ध तिलक वर्माने शानदार फलंदाजी केली. तिलकने अवघ्या 17 चेंडूत 4 षटकार आणि 2 चौकार मारत 37 धावा केल्या. त्याशिवाय इशान किशनने 38 धावा केल्या.

मुंबई इंडियन्सचा कर्णधार रोहित शर्माचा डाव लवकर आटोपला. त्याने 18 चेंडूत 28 धावा केल्या. टीम डेव्हिडने 11 चेंडूत 16 धावांची खेळी केली.

सूर्यकुमार यादवचा डावही थोडक्यात आटोपला. सुर्यकुमार सात धावांवर बाद झाला. सनरायझर्सकडून मार्को जॅनसेनने सर्वाधिक दोन बळी घेतले. भुवनेश्वर कुमार आणि टी नटराजन यांना प्रत्येकी एक गडी बाद करण्यात यश मिळालं.