एक्स्प्लोर

IPL 2023: अखेरच्या चेंडूवर लखनौचा विजय, पूरनची वादळी खेळी

IPL 2023, LSG vs RCB: निकोलस पूरन आणि मार्कस स्टॉयनिस यांच्या वादळी अर्धशतकाच्या बळावर लखनौने आरसीबीचा एका विकेटने पराभव केला. अखेरच्या चेंडूपर्यंत रंगलेल्या सामन्यात लखनौने बाजी मारली.

By : एबीपी माझा ब्युरो | Updated at : 11 Apr 2023 12:00 AM (IST)

IPL 2023

1/8

IPL 2023, LSG vs RCB: निकोलस पूरन आणि मार्कस स्टॉयनिस यांच्या वादळी अर्धशतकाच्या बळावर लखनौने आरसीबीचा एका विकेटने पराभव केला. एम चिन्नास्वामी स्टेडिअमवर अखेरच्या चेंडूपर्यंत रंगलेल्या सामन्यात लखनौने बाजी मारली. अखेरच्या षटकात लखनौला विजयासाठी पाच धावांची गरज होती. पण मात्र मार्क वूड आणि जयदेव बाद झाल्यामुळे सामन्यात रंगत निर्माण झाली. अखेरच्या चेंडूवर एका धावेची गरज असताना बिश्नोई आणि आवेश यांनी लखनौला विजय मिळवून दिला.

2/8

लखनौने 2013 धावांचा पाठलाग करताना चौकार आणि षटकारांचा पाऊस पाडला. लखनौकडून 12 षटकार आणि 17 चौकार लगावण्यात आले. निकोलस पूरन याने 19 चेंडूत 62 तर स्टॉयनिस याने 30 चेंडूत 65 धावांची खेळी केली. आरसीबीकडून मोहम्मद सिराज आणि वेन पार्नेल यांनी प्रत्येकी तीन तीन विकेट घेतल्या. हर्षल पटेल याला दोन विकेट मिळाल्या.

3/8

लागोपाठ तीन विकेट पडल्यामुळे लखनौचा संघ दबावात होता. पण त्याचवेळी मार्कस स्टॉयनिस याने फटकेबाजी करत चित्र बदलले. स्टॉयनिस याने 30 चेंडूत वादळी 65 धावांची खेळी केली. या खेळीमध्ये स्टॉयनिस याने पाच षटकार आणि सहा चौकारांचा पाऊस पाडला. स्टॉयनिसच्या फटकेबाजीमुळे लखनौच्या फलंदाजामध्ये आत्मविश्वास वाढला.

4/8

213 धावांचा पाठलाग करताना लखनौची सुरुवात निराशाजनक झाली. फॉर्मात असलेला काइल मायर्स खातेही न उघडता बाद झाला. मोहम्मद सिराज याने मायर्सचा त्रिफाळा उडवला. त्यानंतर केएल राहुल आणि दीपक हुड्डा यांनी डाव सावरण्याचा प्रयत्न केला. पण वेन पॉर्नेल याने लखनौला एकापाठोपाठ दोन धक्के दिले. दीपक हुड्डा 9 धावांवर बाद झाला तर कृणाल पांड्याला खातेही उघडता आले नाही. 23 धावांवर लखनौने तीन विकेट गमावले होते. त्यानंतर मार्सक्स स्टॉयनिस याने फटकेबाजी केली. पण कर्णधार केएल राहुल याला पुन्हा मोठी खेळी करता आली नाही. राहुल अवघ्या 18 धावांवर बाद झाला. यासाठी राहुलने 20 चेंडू खर्च केले. राहुल आतापर्यंत फॉर्मात दिसलेला नाही.

5/8

निकोलस पूरन याने यंदाच्या हंगामातील सर्वात वेगवान अर्धशतकाची नोंद केली. यंदाच्या हंगामात याआधी अजिंक्य रहाणे याने 20 चेंडूत अर्धशतक झळकावले होते. तर लॉर्ड शार्दुल याने 21 चेंडूत अर्धशतक ठोकले होते. त्याशिवाय निकोलस पूरन याने आयपीएलच्या इतिहासातील दुसरे वेगवान अर्धशतक झळकावले. आयपीएलमध्ये सर्वात वेगवान अर्धशतक केएल राहुलच्या नावावर आहे. राहुलने 14 चेंडूत अर्धशतक झळकावले आहे. तर युसुफ पठाण याने 15 चेंडूत अर्धशतक झळकावले होते. निकोलस पूरन याने या यादीत स्थान मिळवले आहे.

6/8

आयुष बडोनी याने संयमी फलंदाजी करत इम्पॅक्ट पाडला. आयुष बोडनी याने 24 चेंडूत 30 धावांची खेळी केली. त्याशिवाय जयदेव याने मोक्याच्या क्षणी 9 धावांचे योगदान दिलेय.

7/8

मार्कस स्टॉयनिस याने चौकार षटकार लगावत लखनौच्या विजयाचा पाया रचला. त्यानंतर निकोलस पूरन याने 19 चेंडूत 62 धावांची खेळी केली. निकोलस पूरन याने 326 स्ट्राइक रेटने धावांचा पाऊस पाडला. निकोलस पूरन याने आरसीबीच्या गोलंदाजांचा समाचार घेतला. हर्षल पटेल आणि कर्ण शर्मा यांच्या गोलंदाजीवर धावांचा पाऊस पाडला. निकोलस पूरन याने 19 चेंडूत सात षटकार आणि चार चौकार लगावत 62 धावांची खेळी केली.

8/8

दरम्यान, नाणेफेक गमावून प्रथम फलंदाजी करणाऱ्या विराट कोहली, ग्लेन मॅक्सवेल आणि फाफ डु प्लेसिस यांच्या तुफानी खेळीपुढे लखनौची दाणादाण उडाली. आरसीबीने निर्धारित 20 षटकात दोन गड्यांच्या मोबद्लायत 212 धावांपर्यंत मजल मारली. विराट कोहली, ग्लेन मॅक्सवेल आणि फाफ डु प्लेसिस यांनी अर्धशतकी खेळी केली. लखनौकडून एकाही गोलंदाजाला लौकिकास साजेशी कामगिरी करता आली नाही. फाफ डु प्लेसिस आणि ग्लेन मॅक्सवेल यांनी शतकी भागिदारी केली.

Published at : 11 Apr 2023 12:00 AM (IST)

Tags :