Online food delivery: 25 लाखांच्या नोकरीला लाथ मारून डिलिव्हरी बॉय बनण्याचा धाडसी निर्णय; तरुणाचा भन्नाट प्लॅन ऐकून तुम्हीही थक्क व्हाल!
Online food delivery: आजकाल नोकरीची मोठी टंचाई आहे. जर एखाद्याकडे चांगली नोकरी असेल तर ते भाग्यवान मानले जाते. मात्र, त्यातच एका तरुणाच्या धाडसी निर्णयाची कहाणी सध्या चांगलीच चर्चेत आली आहे.
Online food delivery: आजकाल नोकरीची मोठी टंचाई आहे. एकाच पदासाठी हजारो आणि लाखो अर्ज येतात. लोक मुलाखतीसाठी लांब रांगेत उभे राहतात. अशा परिस्थितीत, जर एखाद्याला चांगली नोकरी मिळाली तर तो भाग्यवान मानला जातो. तथापि, आज आम्ही तुम्हाला अशा माणसाबाबत माहिती देत आहोत ज्याने 25 लाखांची वार्षिक पगाराची कॉर्पोरेट नोकरी सोडून डिलिव्हरी पार्टनर म्हणून काम करण्याचा निर्णय घेतला. या तरुणाची कहाणी सोशल मीडियावर प्रचंड चर्चेत आली आहे. X वापरकर्ता Enji Vi (@original_ngv) यांनी ही माहिती शेअर करताच अनेकांनी त्या तरुणाच्या धाडसाला दाद दिली आहे.
Enji यांच्या म्हणण्यानुसार, त्यांचा मित्र कोणालाही कल्पना न देता आपली उच्च पगाराची नोकरी सोडून Swiggy/Rapido डिलिव्हरी पार्टनर म्हणून काम करू लागला. त्याच्या या निर्णयामुळे त्याचे पालक व्यथित झाले असून, पुढच्या वर्षी त्याचे लग्न आणि नुकतीच घेतलेली कार यामुळे आर्थिक दडपण वाढले आहे. परंतु या निर्णयामागील कारण अत्यंत अनोखे आहे.
Online food delivery: स्वतःचे क्लाउड किचन सुरू करण्याचा निर्णय
तो तरुण एका विद्यापीठाजवळ राहतो, जिथे विद्यार्थ्यांची आणि ऑफिस कर्मचाऱ्यांची मोठी वर्दळ असते. स्वतःचे क्लाउड किचन सुरू करण्याच्या उद्देशाने त्याने सहा महिन्यांच्या बचतीवर नोकरी सोडली आहे. सुरुवातीपासून स्थानिकांना कोणते खाद्यपदार्थ जास्त आवडतात? हे समजून घेण्यासाठी त्याने काही आठवडे डिलिव्हरी बॉय म्हणून काम करण्याचा पर्याय निवडला आहे.
Online food delivery: निर्धाराने आपल्या ध्येयाकडे वाटचाल
या अनुभवादरम्यान त्याने 12 संभाव्य पदार्थ (SKUs) ओळखले आहेत, जे कमी किमतीत पण मोठ्या प्रमाणावर विकले जाऊ शकतात. त्याच्या मॉडेलनुसार हा व्यवसाय तीन ते चार महिन्यांत नफ्यात जाऊ शकतो. तरीही कुटुंबीय आणि काही मित्र त्याच्या निर्णयाला विरोध करत आहेत. सामाजिक अवहेलना, वॉचमनकडून ऐकावे लागलेले अपमान असे प्रसंगही त्याला झेलावे लागले आहेत. तरीही तो निर्धाराने आपल्या ध्येयाकडे वाटचाल करत असल्याचे Enji यांनी सांगितले आहे.
A friend of mine left his 25 lpa+ job to become a Swiggy / Rapido driver. And no I'm not joking.
— enji vi (@original_ngv) December 3, 2025
His parents called me asking me to talk sense into him, crying literally. He was going to get married next year. And just bought a car.
I spoke with him, and the reason shocked me.…
Social Media: सोशल मीडियावर तरुणाचे कौतुक
ही कहाणी समोर आल्यानंतर अनेकांनी त्या तरुणाच्या धैर्याचे कौतुक केले. एका वापरकर्त्याने लिहिले, “लाइफस्टाइल डाउनग्रेड करून भविष्य अपग्रेड करण्याचे धैर्य प्रत्येकाकडे नसते.” दुसऱ्याने टिप्पणी केली, “हेच खरं मार्केट रिसर्च. कुठलेही प्रेझेंटेशन नाही, अंदाज नाही, थेट जमिनीवरचा अनुभव. सॅल्यूट!” एकाने दूरदृष्टीकडे लक्ष वेधत म्हटले, “जुन्या नोकरीला परत जाण्याचा पर्याय कायम असतो, पण संधी गमावण्याचे दुःख आजीवन राहते.” तर आणखी एकाने लिहिले, “हा आहे खरा उद्योजक. ग्राहकाला इतक्या जवळून समजून घेणे की डेटा थेट स्वभावाचा भाग बनतो.” दरम्यान, अनेकांनी ही कहाणी ‘प्रेरणादायी’ आणि ‘अत्यंत प्रभावी’ असल्याचे म्हटले आहे.
आणखी वाचा
महत्त्वाच्या बातम्या
