Virat Kohli : भारतीय संघात विराट कोहलीची जागा कोण घेणार? रॉबिन उथाप्पानं दोन नावं सांगितली

Virat Kohli : विराट कोहलीनं आंतरराष्ट्रीय टी 20 क्रिकेटमधून निवृत्ती जाहीर केल्यानंतर त्याची जागा कोण भरुन काढणार याकडे सर्वांचं लक्ष लागलं आहे.

विराट कोहली

विराट कोहलीसह रोहित शर्मा आणि रवींद्र जडेजा या तिघांनी टी 20 वर्ल्ड कप जिंकल्यानंतर निवृत्ती जाहीर केली होती. तेव्हापासून विराट कोहलीची टीम इंडियामधील जागा कोण भरुन काढणार यावर चर्चा सुरु आहेत.

भारताचा माजी क्रिकेटपटू रॉबिन उथाप्पानं दोन खेळाडूंच्या नावांचा उल्लेख करत त्यांना संघात स्थान दिलं पाहिजे असं म्हटलं आहे. शुभमन गिल आणि ऋतुराज गायकवाड या दोघांना संघात स्थान द्यावं, असं रॉबिन उथाप्पानं म्हटलं.

सोनी स्पोर्ट्स नेटवर्कच्या कार्यक्रमात रॉबिन उथाप्पानं आपण दोघांना एकाचवेळी संघात स्थान का देऊ शकत नाही. दोघेही चांगले खेळाडू आहेत. दोघांकडे टी 20 क्रिकेटचा चांगला अनुभव आहे, असं तो म्हणाला.

आपण जर सातत्य आणि आकडेवारी पाहिली असता ऋतुराज गायकवाडच्या कामगिरीत सातत्य आहे. मात्र, शुभमन गिलची गुणवत्ता देखील महत्त्वाची असल्याचं उथाप्पानं म्हटलं.

ऋतुराज गायकवाड आणि शुभमन गिल या दोघांपैकी एकाची निवड करणं अवघड आहे. भारतानं दोघांना देखील का स्थान देऊ असा प्रश्न उथाप्पानं विचारला.

ऋतुराज गायकवाड आणि शुभमन गिल दोघेही तिन्ही प्रकारात खेळू शकतात असं म्हटलं. श्रीलंकेचा खेळाडू रसेल अर्नोल्डनं आदर्श पर्याय म्हणून शुभमन गिलला पसंती दिली. तो कोणत्याही वेळी आक्रमक खेळू शकतो, असं अर्नोल्डनं म्हटलं.