Ranji Trophy : चॅम्पियन्स ट्रॉफीआधी दिग्गजांनी रणजीच्या पहिल्याच सामन्यात नांग्या टाकल्या; रोहित, यशस्वी, शुभमनने किती धावा केल्या?

रणजी ट्रॉफीच्या सहाव्या फेरीत भारतीय संघातील स्टार खेळाडू रोहित शर्मा, यशस्वी जैस्वाल, शुभमन गिल हे फेल ठरले. हे तिघेही भारतीय संघासाठी टॉप-3 मध्ये खेळतात.

Rohit Sharma Yashasvi Jaiswal Shubman Gill Ranji Trophy

टीम इंडियाचा कर्णधार रोहित शर्मा गेल्या काही काळापासून रेड बॉल क्रिकेटमध्ये खूपच खराब फॉर्ममध्ये जात आहे. आपला फॉर्म परत मिळवण्यासाठी आणि पुन्हा रुळावर येण्यासाठी, रोहित शर्मा देशांतर्गत क्रिकेटकडे वळला आहे.

रणजी ट्रॉफीमध्ये पुनरागमन करणाऱ्या रोहित शर्माकडून चाहत्यांना खूप अपेक्षा होत्या, पण रोहित शर्मा काही खास कामगिरी करू शकला नाही आणि फक्त 3 धावा करून बाद झाला. रोहितने इथेही त्याच्या चाहत्यांना निराश केले आहे.