Pune News: निगडी परिसरात दोन बिबटे असल्याची चर्चा, परिसरात भीतीचं वातावरण, वनविभागाने सापळा रचला अन्...

Pune News: दोनपैकी एका बिबट्याने पळ काढला असून दुसरा बिबट्या अद्याप ही लोकवस्तीत असण्याची शक्यता वर्तवली जात होती.

Pune News

पिंपरी चिंचवड शहरातील निगडी परिसरात बिबट्यांनी शिरकाव केल्याचा दावा स्थानिकांनी केला आहे, त्यामुळे परिसरात भीतीचं वातावरणं निर्माण झालं होतं.

परिसरामध्ये एक नव्हे तर दोन बिबटे असल्याचं बोललं जात होतं. दोनपैकी एका बिबट्याने पळ काढला असून दुसरा बिबट्या अद्याप ही लोकवस्तीत असण्याची शक्यता वर्तवली जात होती.

त्या अनुषंगाने वन विभागाने सापळे रचलेले होते. परिसरात दहशतीचे वातावरण पसरले आहे. बिबट्याला जेरबंद करण्यासाठी युद्धपातळीवर कार्य सुरु होतं.

दरम्यान परिसरामध्ये बिबट्या शिरला असल्याची माहिती सर्वत्र परसल्यामुळे दहशतीचं वातावरण निर्माण झालं, लोक घराबोहर पडताना घाबरत होते.

बिबट्याला पकडण्यासाठीच्या अनुषंगाने वन विभागाने सापळे रचलेले होते. अखेर बिबट्या जेरबंद झाला आहे.