फलटणमध्ये 14 तारखेला कार्यक्रम, शरद पवारांची घोषणा, रामराजेंनी निर्णय घेतल्यास साताऱ्यात चार मतदारसंघाचं गणित बदलणार, कारण...

Satara Politics : राष्ट्रवादी काँग्रेस पार्टी शरदचंद्र पवार पक्षाचे अध्यक्ष शरद पवार यांनी इंदापूरला जो कार्यक्रम आहे तोच कार्यक्रम फलटणला असल्याचं म्हटलं. त्यामुळं चर्चांना उधाण आलं आहे.

रामराजे नाईक निंबाळकर

शरद पवार यांनी इंदापूर येथील कार्यक्रमात बोलताना म्हटलं की इंदापूरला येण्यापूर्वी फलटणवरुन फोन आला होता, इंदापूरमध्ये जो कार्यक्रम आहे तोच कार्यक्रम तिकडे आहे. त्यामुळं आमदार रामराजे नाईक निंबाळकर आणि आमदार दीपक चव्हाण तुतारी हातात घेणार का अशा चर्चा सुरु झाल्या आहेत.

अजित पवारांच्या राष्ट्रवादी काँग्रेसचे नेते रामराजे नाईक निंबाळकर यांनी फलटणला पुढील आठवड्यात मेळावा घेऊन ऐतिहासिक निर्णय घेणार असल्याचं म्हटलं होतं. रामराजेंना त्यांच्या कार्यकर्त्यांनी तुतारी हातात घेण्याची विनंती केली होती. रामराजे नाईक निंबाळकरांनी अद्याप निर्णय घेतलेला नाही.