Shantabai Kopargaonkar: एकेकाळची लावणीसम्राज्ञी... आता बस स्थानकात जगतेय बिकट आयुष्य

Shantabai Kopargaonkar: शांताबाई कोपरगावकर यांनी एकेकाळी लावणी नृत्याने उत्तर महाराष्ट्र गाजवला, आता मात्र कोपरगावच्या बस स्थानकावर बिकट आयुष्य जगताना दिसत आहेत.

shantabai kopargaonkar

काही दिवसांपूर्वी कोपरगाव शहरातील तरुणांनी एका वयोवृद्ध म्हातारीच्या गाण्याचा व्हिडीओ सोशल मीडियात व्हायरल केला आणि त्यानंतर सत्य बाहेर आलं. व्हायरल व्हिडीओमधील ती वयस्कर महिला निघालीय एक नावाजलेली तमाशा कलावंत ... शांताबाई कोपरगावकर.

एकेकाळची लावणी सम्राज्ञी, जिच्या अदाकारीने लालबाग परळचं हनुमान थिएटर वन्स मोअर, टाळ्या आणि शिट्यांनी गाजलं, जिच्या अदाकारीने आणि सौंदर्यानं चाळीस वर्षांपूर्वी अनेक तमाशा रसिकांना घायाळ केलं, ती महाराष्ट्राची लावणी सम्राज्ञी आता मात्र रस्त्यावर मिळेल ते खाऊन दिवस काढतोय. बस स्थानकच तिचं घर झालं असून अत्यंत बिकट अवस्थेत ती जगत आहे.