पाणी मागण्याच्या बहाण्याने आत शिरले, मंगळसूत्र ओढून पसार चोरांना नाशिक पोलिसांनी पकडलं, चोरट्यांनी दिली भलतीच कबुली

नाशिकच्या रामवाडी परिसरात चोरट्यांनी पत्ता विचारण्याच्या बहाण्याने महिलेचा पाठलाग केला व इमारतीत प्रवेश केला.

Nashik Crime

नाशिकच्या रामवाडी परिसरात चोरट्यांनी पाणी मागत घरात शिरून महिलेला फसवत गळ्यातील सोन्याचं मंगळसूत्र चोरल्याचा प्रकार उघडकीस आला आहे.

गुन्हे शाखा १ च्या पथकाने सापळा रचून दोघा संशयितांना बेड्या ठोकल्या.

फॉरेक्स आणि शेअर ट्रेडिंगमध्ये तोटा झाल्याने आरोपींनी गुन्हा केल्याची कबुली पोलिसांना दिली आहे.

प्रथमेश उशीर आणि जोएल म्हस्के अशी संशयितांची नावे असून, उपनगरमधील पाडेकर गॅस एजन्सीजवळून त्यांना अटक करण्यात आली.

पोलिसांनी गुन्ह्यात वापरलेली दुचाकी आणि चोरी केलेलं मंगळसूत्र असा एकूण १ लाख ९० हजार रुपयांचा मुद्देमाल जप्त केला असून, पुढील तपास सुरू आहे.

पाण्याची बाटली परत करताना, महिलेच्या गळ्यातील तीन तोळ्यांची सोन्याची पोत खेचली. त्यामुळे दोघेही चोरटे पसार होण्यात यशस्वी ठरले.

पीडित महिला नंदिनी नायक यांनी जोरदार प्रतिकार केला, एका चोरट्याचा शर्ट ओढून पकडण्याचा प्रयत्न केला.