यावर्षी 6 डिसेंबरला पत्राद्वारे बाबासाहेबांना अभिवादन

यावर्षी डॉ. बाबासाहेब आंबेडकरचा 64 वा महापरिनिर्वाण दिन आहे. वर्षानुवर्ष या दिवशी न चुकता चैत्ययभूमीवर येणारे हजारो अनुयायी या वेळी कोरोनाच्या सावटामुळे मात्र येऊ शकणार नाहीत.

मुंबई : कोरोनाच्या पार्श्वभूमीवर चैत्यभूमीवर प्रत्यक्ष न येता चैत्यभूमीच्या पत्त्त्यावर पत्र पाठवून डॉ. बाबासाहेब आंबेडकर यांना अभिवादन करण्याचं अनुयायांना आवाहन करण्यात येत आहे. विशेष म्हणजे डिसेंबर महिना सुरु होण्यापूर्वीच चैत्यभूमीच्या पत्त्त्यावर आतापर्यंत हजारो पत्रांचा पाऊस पडलाय. चैत्ययभूमीवर 3000 पेक्षा जास्त तर दादर पोस्ट ऑफिस येथेही हजारो पत्र येत आहेत.

दरवर्षी 6 डिसेंबर महापरिनिर्वाणदिनाला हजारो-लाखोंच्या संख्येनं अनुयायी डॉ. बाबासाहेब आंबेडकर यांच्या स्मृतींना अभिवादन करण्यासाठी दादरच्या चैत्ययभूमीवर येतात. यावर्षी डॉ. बाबासाहेब आंबेडकरचा 64 वा महापरिनिर्वाण दिन आहे. वर्षानुवर्ष या दिवशी न चुकता चैत्ययभूमीवर येणारे हजारो अनुयायी या वेळी कोरोनाच्या सावटामुळे मात्र येऊ शकणार नाहीत. मात्र, अनुयायी आपल्या मनातील भावना अनोख्या पद्धतीनं-पत्राद्वारे डॉ. बाबासाहेब आंबेडकरांपर्यंत पोहोचवत आहेत.

महाराष्ट्र आणि देशभरातून जे अनुयायी चैत्ययभूमीवर अभिवादनासाठी येऊ शकणार नाहीत अशांचे चैत्ययभूमीच्या पत्त्यावर हजारोंच्या संख्येनं पत्र येत आहेत. या पत्रांपैकी अनेक पत्रं लहान मुलांनी लिहिली आहेत. देशाच्या कानाकोपऱ्यातून वेगवेगळ्या भाषेतली पत्र चैत्यभूमीच्या पत्त्तयावर पाठवली जातायेत. उर्दू, हिंदी, मराठी, इंग्रजी, तेलुगू अशा अनेक भाषांमधून ही पत्रं पाठवली जात आहेत.

विश्वशांती सामाजिक संस्थेच्या माध्ययमातून हा उपक्ररम राबवला जातोय. या संस्थेच्या कार्ययकर्त्यांनी सांगितले आहे की, "ज्यांना कोरोना महामारीच्या काळात खेडेगाव तालुका, जिल्हा आणि इतर राज्यातून चैत्यभूमी येथे येवून आपल्या उद्धारकर्त्याला अभिवादन करता येणे शक्य नाही, त्यांच्याकरिता विश्वशांती सामाजिक संस्था बाबासाहेबांप्रती असलेल्या आपल्या कर्तव्य भावनेतून हा उपक्रम राबवत आहे. आपण फक्त एवढेच करायचे आहे. कुटुंबातील प्रत्येक एका व्यक्तीने आपल्या नावे "अभिवादन महामानवाला" हा संदेश आणि स्वतःचे नाव तसेच स्वतःचा पत्ता लिहून एक पोस्टकार्ड चैत्यभूमी_स्मारक_दादर_पश्चिम_मुंबई_400028 या पत्त्यावर पाठवावे." कोरोनाचा प्रादुर्भाव आणि चैत्यभूमीवरची गर्दी टाळण्यासाठी अनुयायांनी चैत्ययभूमीवर अभिवादनासाठी येऊ नये, त्याऐवजी अभिवादन करणारे पत्रं पाठवावे असंही आवाहन प्रशासनाकडून केलं जातंय.