Pune PMC News:जीर्ण झालेले वाडे धोकादायक; पुणे पालिकेने बजावल्या 478 जुन्या वाड्यांना नोटीसा

पुणे महानगरपालिकेने (PMC) अतिवृष्टीच्या पार्श्वभूमीवर शहरातील 478 जुन्या वाड्यांना (घरांना) नोटिसा बजावल्या आहेत. पावसाळ्यापूर्वी शहरातील विविध भागातील 38 हून अधिक अतिधोकादायक वाडे पाडण्यात आले आहेत.

Pune

Pune PMC News: पुणे महानगरपालिकेने (PMC) अतिवृष्टीच्या पार्श्वभूमीवर शहरातील 478 जुन्या वाड्यांना (घरांना) नोटिसा बजावल्या आहेत. पावसाळ्यापूर्वी शहरातील विविध भागातील 38 हून अधिक अतिधोकादायक वाडे पाडण्यात आले आहेत. पुणे महानगर पालिकेच्या बांधकाम विकास विभागाचे अधीक्षक अभियंता सुधीर कदम यांनी यासंदर्भात माहिती दिली आहे.

यंदाच्या पावसाळ्यात शहरात सुमारे 487 धोकादायक वाडा आणि इमारती आहेत. पीएमसीने सरकारी नियमांनुसार C1, C2 आणि C3 ला नोटिसा बजावल्या आहेत. C1 मध्ये सर्व 28 अतिधोकादायक वाडे पाडण्यात आले आहेत. C2 मध्ये 316 वाडे होते, त्यापैकी 11 धोकादायक वाडे देखील पाडण्यात आले आहेत. C3 मधील 134 वाड्यांपैकी 9 वाडे पाडण्यात आले आहेत. यंदाच्या पावसाळ्यापूर्वी शहरातील 38 अतिजोखमीचे वाडे पुणे महानगरपालिकेने पाडले आहेत.

पुढील चार ते पाच दिवस चांगला पाऊस पडेल, असा अंदाज हवामान खात्याने वर्तवला आहे. दरवर्षी पावसात काही जुन्या इमारतींच्या भिंती किंवा वाड्याचा काही भाग कोसळतो. पावसाळ्यात होणाऱ्या अपघातांना आळा घालण्यासाठी पालिकेच्या धोकादायक इमारती पाडण्यासाठी विशेष मोहीम राबविण्यात आली आहे. पावसाळ्यात सीमाभिंती आणि जुन्या इमारती कोसळून जीवितहानी होत असल्याने दरवर्षी सीमाभिंती आणि जुन्या इमारतींचे सर्वेक्षण केले जाते. या पावसाळ्यात शहरातील एकूण 478 वाड्यांना नोटिसा बजावण्यात आल्या आहेत.

मे महिन्यात देखील बजावल्या होत्या नोटिसा
राजवाड्याच्या कोसळलेल्या भागांमुळे हा अपघात झाल्याचे पालिकेने नोंदवले आहे. अशा अपघातांमध्ये अनेक नागरिक जखमी झाले होतात. अनेकांना जीव गमवावा लागला लागतो. भाडेकरू आणि घरमालक यांच्यातील वाद कायम असतात. त्यामुळे पालिकेला कामकाग करता येत नाही. करवाईसाठी वाट पाहावी लागते. या कारणामुळे मालमत्तांचा पुनर्विकास वर्षानुवर्षे रखडला आहे. 

मोडकळीस आलेल्या इमारतींमधील रहिवाशांना अनेकदा भीती वाटते. बिल्डरने बांधकामाचा पुनर्विकास केल्यावर इमारतीवरील त्यांचा हक्क संपुष्टात येईल. अनेक पुनर्विकास किंवा दुरुस्ती प्रकल्प कायदेशीर लढाईमुळे रखडले आहेत. काही ठिकाणी धोकादायक इमारती हटवण्यासाठी पालिकेने पोलिसांची मदत घेतली होती. वर्षानुवर्षे, असुरक्षित इमारती कोसळल्या आहेत. रहिवाशांचा मृत्यूदेखील झाला आहे आणि काही जखमी झाले आहेत.