(Source: ECI | ABP NEWS)
Parbhani : शिक्षकाचे शाळकरी मुलींसोबत गैरवर्तन, प्रकार उघडकीस आल्यानंतर पालकांनी शिक्षकाला दिला कपडे फाटेपर्यंत चोप
Parbhani News : परभणीत शिक्षकानेच विद्यार्थिनींबरोबर गैरवर्तन केल्याने संतप्त पालकांनी या शिक्षकाला कपडे फाटेपर्यंत चांगला चोप दिला आहे.
परभणी : राज्यात दिवसेंदिवस अत्याचाराच्या घटनांमध्ये वाढ होत आहे. यानंतर आता परभणीत एक धक्कादायक घटना समोर आली आहे. शिक्षक आणि विद्यार्थिनीच्या नात्याला काळीमा लावणाऱ्या प्रकाराने एकच खळबळ उडाली आहे. परभणीत शिक्षकानेच विद्यार्थिनींबरोबर गैरवर्तन केल्याने संतप्त पालकांनी या शिक्षकाला कपडे फाटेपर्यंत चांगला चोप दिला आहे. दरम्यान या प्रकरणाची प्राथमिक शिक्षणाधिकारी विठ्ठल भुसारे यांनी दखल घेतली असून या शिक्षकावर कारवाई केली जाणार असल्याचेही त्यांनी सांगितले आहे
परभणीच्या गंगाखेड तालुक्यातील शिवाजीनगर तांडा येथील जिल्हा परिषदेच्या शाळेवर शिक्षक असलेले बी.यु रुद्रवार हे या शाळेतील तीन विद्यार्थिनी बरोबर सातत्याने गैरवर्तन करत होते. या गैरवर्तनाला कंटाळून या मुलींनी सदर शिक्षकाची पालकांकडे तक्रार केली आणि पालकांचा राग अनावर झाला. या रागातून पालकांनी या शिक्षकाला चांगला चोप दिलाय.कपडे फाटेपर्यंत या शिक्षकाला पालकांनी चोपले आहे. परभणीत घडलेल्या या दुर्दैवी घटनेनंतर दिवसभर संतप्त प्रतिक्रिया उमटल्या
दरम्यान हे प्रकरण कळल्यानंतर गंगाखेडच्या गट शिक्षणाधिकाऱ्यांपासून प्राथमिक शिक्षणाधिकारी विठ्ठल भुसारे यांनी घेत थेट शाळेवर जाऊन या प्रकरणाची चौकशी केली.पालक,विद्यार्थी, शाळेतील इतर शिक्षक, शिक्षिका यांच्याशी बातचीत करून चौकशी केली असून उद्या संध्याकाळपर्यंत या शिक्षकावर कारवाई केली जाणार असल्याचे शिक्षणाधिकारी विठ्ठल भुसारे यांनी सांगितले आहे..
तसेच याआधी इतर मुलींशी या नराधम शिक्षकाने गैरवर्तन केले का याचा तपास करत आहेत. शिक्षकाच्या या कृत्याने शाळेतील मुलींच्या सुरक्षेचा प्रश्न पुन्हा एकदा चव्हाट्यावर आला आहे. जिल्हा परिषदेतील शाळेतील या प्रकारामुळे पालकवर्गात तीव्र संतापाची लाट असून या शिक्षकावर कठोर कारवाई करण्यात यावी, अशी मागणी केली जात आहे.
महत्त्वाच्या बातम्या
ट्रेंडिंग न्यूज
