Parbhani Rain: परभणी जिल्ह्यात पावसाचा हाहाकार, शेतकऱ्यांची सोयाबीन वाचवण्यासाठी धडपड!

Parbhani Rain: परभणी जिल्ह्यात पहाटे पुन्हा एकदा मुसळधार पावसाने हाहाकार माजवला आहे.शहरासह जिल्ह्यातील शेत शिवार पुन्हा पाण्याखाली गेले.

Parbhani Rain

परभणी जिल्ह्यात पहाटे झालेल्या मुसळधार पावसामुळे अनेक वस्त्यांमध्ये घरात पाणी शिरले. शहरासह जिल्ह्यातील शेत शिवार पुन्हा पाण्याखाली गेले.

गाडगेबाबा नगर, अक्षदा मंगल कार्यालय परिसर आणि सागर नगर भागातील नागरिकांचे संसार उपयोगी साहित्य भिजून मोठे नुकसान झाले.

अक्षदा मंगल कार्यालय परिसरातील काही नागरिकांना स्थलांतरित केले. सतत पडत असलेल्या पावसामुळे शेतकऱ्यांनी काढून ठेवलेले सोयाबीन भिजले.

मानवत तालुक्यातील कोल्हावाडी येथील शेतकरी पांडुरंग पंडितराव भिसे यांच्या शेतात काल दिवसभर सोयाबीन कापून मळणी यंत्राच्या साह्याने सोयाबीन काढले होते.

काढलेले सोयाबीन रात्री शेतात ठेवले होते, पहाटे मुसळधार पाऊस झाल्यामुळे सोयाबीन भिजले. शेतकरी काढून ठेवलेले सोयाबीन वाचवण्यासाठी धडपड करत होते.

सोयाबीन वाचवण्यासाठी शेतकऱ्यांनी चक्क मांडी एवढ्या पाण्यातून सोयाबीनचे पोते बाहेर काढले.