Parbhani : पाऊस आणि पुराने 10 एकर सोयाबीनचा अक्षरशः चिखल; परभणीच्या सोयाबीन उत्पादक शेतकऱ्याची व्यथा

Parbhani : यंदा पाऊस आणि पुराने याच सोयाबीन उत्पादक शेतकऱ्यांच्या सर्व आशा आकांक्षाचा चिखल झाला आहे.

Parbhani

सोयाबीन हे मराठवाड्यातील प्रमुख पीक. मोठ्या प्रमाणावर शेतकरी सोयाबीनची लागवड करतात.

मात्र, यंदा पाऊस आणि पुराने याच सोयाबीन उत्पादक शेतकऱ्यांच्या सर्व आशा आकांक्षाचा चिखल झाला आहे.

परभणीच्या जिंतूर तालुक्यातील वर्णा येथील प्रदीप अंबोरे यांनी आपल्या 10 एकरमध्ये सोयाबीन घेतले.

पहिल्यांदा पाऊस नसल्याने सोयाबीन उगवलेले नाही पुन्हा कर्ज काढून दुसऱ्यांना सोयाबीन लागवड केली.

मात्र, सतत पडलेल्या पाऊस आणि करपरा नदीला आलेल्या पुरामुळे शेंगा लागलेल्या आणि काही दिवस काढणी करायला आलेल्या सोयाबीनमध्ये गुडघ्या एवढा चिखल झालाय.

त्यामुळे त्यांनी दरवर्षीप्रमाणे आपले सोयाबीन वर केलेल्या वर्षभराच्या आर्थिक नियोजनाचा,मुलांच्या शिक्षणाचा,आशा आकांक्षाचा,चिखल झालाय.

आता दसरा दिवाळी कशी करायची लेकी बाळींना सणासाठी कसे आणावे असे एक ना अनेक प्रश्न प्रदीप यांना आणि त्यांच्या सारख्याच इतर शेतकऱ्यांना पडले आहेत.

त्यामुळे त्यांनी देवाभाऊ यांच्याकडे भरीव मदतीसाठी याचना केलीय.