Aaditya Thackeray : 'महाराष्ट्राला पुन्हा एकदा फसवलं!' मुंबई ट्रान्स हार्बर, दिघा रेल्वेस्थानकाच्या उद्घाटनावरुन आदित्य ठाकरेंचा सरकारवर हल्लाबोल
Aaditya Thackeray : आदित्य ठाकरे यांनी दिघा रेल्वे स्थानक आणि मुंबई ट्रान्स हार्बर लिंकच्या उद्घाटन सोहळ्यावरुन पुन्हा एकदा सरकारवर हल्लाबोल केलाय.
मुंबई : ठाकरे गटाचे नेते आणि आमदार आदित्य ठाकरे (Aaditya Thackeray) यांनी मुंबई ट्रान्स हार्बर लिंक (Mumbai Trans Harbour Link) आणि दिघा रेल्वे स्थानकाच्या (Digha Railway Station) उद्घाटनावरुन पुन्हा एकदा सरकारवर निशाणा साधलाय. मुंबई ट्रान्स हार्बर लिंकच्या उद्घाटनाची तारीख ही 25 डिसेंबर 2023 अशी सांगितली होती, पण हे उद्घाटन पुन्हा पुढच्या वर्षात ढकलल्याचा आरोप आदित्य ठाकरेंनी केलाय. तसेच सूरतच्या डायमंड बोर्सवरुनही आदित्य ठाकरेंनी सरकारवर निशाणा साधला.
येणाऱ्या 2024 च्या निवडणुकांवरुन राजकीय वर्तुळात वातावरण दिवसागणिक बदलत चालल्याचं पाहायला मिळतंय. विरोधकांकडून सत्ताधाऱ्यांवर अनेक मुद्द्यांवरुन निशाणा साधला जातोय. तसेच सत्ताधारी देखील विरोधकांना जशास तसं उत्तर देतायत. आदित्य ठाकरे यांनी ट्विट करत अनेक मुद्दे उपस्थित केले होते. दिघा स्टेशन (Digha Station), उरण रेल्वेलाईन केवळ व्हीआयपींच्या अभावी उद्घाटनाच्या प्रतीक्षेत आहेत अशी टीका आदित्य ठाकरेंनी मागेही केली होती. रेल्वेमंत्री मुंबईतल्या प्रकल्पांबाबत बेपर्वा आहेत असल्याचं म्हणत टीका केली होती.
आदित्य ठाकरेंनी काय म्हटलं?
आदित्य ठाकरे यांनी ट्विट करत यासंदर्भात प्रतिक्रिया दिलीये. त्यांनी म्हटलं की, आज 'मुंबई ट्रान्स हार्बर लिंक' च्या उद्धाटनाची तारिख असेल असं मिडियात सांगितलं होतं. पण आता ते उद्घाटन पुन्हा पुढच्या वर्षावर ढकललं! 3 महिने तयार असूनही मुंबई ट्रान्स हार्बर लिंकचं उद्घाटन नाही. 8 महिने तयार असूनही दिघा रेल्वे स्टेशनचं उद्घाटन नाही. कोणासाठी नेमकं थांबवलं आहे हे सगळं? असा सवाल आदित्य ठाकरेंनी उपस्थित केलाय. ट
सूरत डायमंड बोर्सचं मात्र लगेच जगाला दाखवलं. वेदांता फॉक्सकॉन, एयरबस टाटा, डायमंड बोर्ज, मेडिकल डिव्हाईस पार्क, 40 गद्दार सगळं तिथं नेलं. हा आपल्या महाराष्ट्राचा अपमान किती दिवस सहन करायचा? 2024 मध्ये तुम्ही ठरवा, आपल्या राज्याचं भविष्य आपण ठरवायचं की शेजारच्या राज्याने आणि गद्दार म्हणून ओळख असलेल्या त्यांच्या चेल्यांनी! असं आवाहन आदित्य ठाकरे यांनी केलं.
महाराष्ट्राला पुन्हा एकदा फसवलं!
— Aaditya Thackeray (@AUThackeray) December 25, 2023
आज 'मुंबई ट्रान्स हार्बर लिंक' च्या उद्धाटनाची तारिख असेल असं मिडियात सांगितलं होतं....
पण आता ते उद्घाटन पुन्हा पुढच्या वर्षावर ढकललं!
३ महिने तयार असूनही, मुंबई ट्रान्स हार्बर लिंकचं उद्घाटन नाही.
८ महिने तयार असूनही दिघा रेल्वे स्टेशनचं… pic.twitter.com/FEoGUjvfi8
हेही वाचा :
महत्त्वाच्या बातम्या
