![ABP Premium](https://cdn.abplive.com/imagebank/Premium-ad-Icon.png)
भाजपनं बायकांच्या मागे लपून सुरु असलेली शिखंडीगिरी बंद करावी, संजय राऊतांचा हल्लाबोल
Sanjay Raut on Navneet Rana : बायकांच्या आडून भाजप शिखंडीचे उद्योग करत आहेत, असं म्हणत राऊतांनी थेट निशाणा साधला आहे. तसेच, महाराष्ट्रात शिवसेनेला आव्हान देण्यासाठी सात जन्म घ्यावे लागतील, असंही राऊत म्हणाले आहेत.
![भाजपनं बायकांच्या मागे लपून सुरु असलेली शिखंडीगिरी बंद करावी, संजय राऊतांचा हल्लाबोल Shiv Sena MP Sanjay Raut targets BJP and Navneet Rana and Ravi Rana Maharashtra Marathi News भाजपनं बायकांच्या मागे लपून सुरु असलेली शिखंडीगिरी बंद करावी, संजय राऊतांचा हल्लाबोल](https://feeds.abplive.com/onecms/images/uploaded-images/2022/04/17/b20af2376f376c57d47c9201e6826b4c_original.jpg?impolicy=abp_cdn&imwidth=1200&height=675)
Sanjay Raut on Navneet Rana : सध्या महाराष्ट्रात राणा विरुद्ध सेना हा हायव्होल्टेज ड्रामा सुरु आहे. राणा दाम्पत्यानं मातोश्रीवर जाऊन हनुमान चालिसा पठण करणार असल्याचा दावा केला आहे. त्यामुळे राणा दाम्पत्याविरोधात शिवसैनिकांनी आक्रमक पवित्रा घेतला आहे. या सर्व प्रकारावर शिवसेना खासदार संजय राऊत (Sanjay Raut) यांनी भाषण केलं आहे. बायकांच्या आडून भाजप शिखंडीचे उद्योग करत आहेत, असं म्हणत राऊतांनी थेट निशाणा साधला आहे. तसेच, महाराष्ट्रात शिवसेनेला आव्हान देण्यासाठी सात जन्म घ्यावे लागतील, असंही राऊत म्हणाले आहेत.
शिवसेना खासदार संजय राऊत म्हणाले की, "बायकांच्या आडून भाजप शिखंडीचे उद्योग करत आहेत. ही X#@$% बंद करा.", असं म्हणत संजय राऊतांनी भाजपवर थेट निशाणा साधला आहे. तसेच, या प्रकरणात मोठं आम्ही करत नाही, कालपर्यंत हिंदुत्वावर हल्ले करणारे हे जे बंटी आणि बबली आहेत. त्यांना भाजप किंवा इतर काही नव हिंदुत्ववादी आहेत. त्यांना मोठं करण्याचं काम भाजप करत आहे. पण त्यामध्ये त्यांचेच हात जळणार आहेत.", असं राऊत म्हणाले.
...तर हजारो, लाखो शिवसैनिक स्वस्थ बसणार नाहीत : संजय राऊत
संजय राऊत म्हणाले की, "सरकार स्पॉन्सर्ड, पोलीस स्पॉन्सर्ड मग तुम्ही काय करताय? केंद्र सरकार स्पॉन्सर्ड, केंद्रीय पोलीस दल स्पॉन्सर्ड... ही तुमची जी गुंडगिरी आहे ना, झुंडशाही. याच झुंडशाहीला शिवसैनिकांनी त्याच झुंडशाहीनं उत्तर दिलं, तर तुम्हाला का मिरच्या झोंबतायत? कशासाठी? तुम्ही जर आमच्यावरती हात उचलण्याचा प्रयत्न केला, तर तो शिवसैनिक आहे, हा महाराष्ट्र आहे. हजारो, लाखो शिवसैनिक स्वस्थ बसणार नाहीत."
राष्ट्रपती राजवटीची धमकी देणाऱ्या भाजपला राऊतांकडून बाळासाहेबांच्या 'त्या' वाक्याची आठवण
"आय रिपीट, राष्ट्रपती राजवटीच्या धमक्या द्यायच्या नाहीत. लावा राजवट. माझं आत्ताच मुख्यमंत्र्यांशी बोलणं झालं. राष्ट्रपती राजवट, सीबीआय, ईडी यापलिकडे आम्ही गेलोय. सत्तेची पर्वा आम्हाला नाही. बाळासाहेबांचं एक अजरामर वाक्य आहे. आम्ही सत्तेसाठी जन्माला आलो नाही, सत्ता आमच्यासाठी आली आहे. सत्ता फक्त खुर्चीची नसते. शिवसेना हीच एक पॉवर. तुम्हाला जर त्याचा चटका घ्यायचा असेल, तर तुम्ही घेऊ शकता. यापूर्वी लोकांनी घेतलाय. जे होतंय ते होऊन जाऊ देत. एकदाच होईल." , असं संजय राऊत म्हणाले.
महत्त्वाच्या इतर बातम्या :
- Ravi Rana : शिवसैनिकांकडून गुंडगिरी, आम्ही मातोश्रीवर जाणारच, फेसबुक लाईव्ह करत रवी राणांची माहिती
- Navneet Rana vs Shivsena : राणांचा इशारा, शिवसैनिकांचा पहारा; आज मातोश्रीसमोर हाय व्होल्टेज ड्रामा
- "हिम्मत असेल तर वांद्रे येथे येऊन दाखवा, शिवसैनिक सज्ज आहेत"; मातोश्रीसमोर जोरदार बॅनरबाजी
- आय रिपीट, राष्ट्रपती राजवटीच्या धमक्या द्यायच्या नाहीत; संजय राऊतांचा हल्लाबोल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)