Maharashtra News Live Updates : चंद्रपूर: वरोरा-वणी मार्गावर कारच्या भीषण अपघातात प्रसिद्ध डॉक्टर दाम्पत्याचा मृत्यू

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News Live Updates : गुढीपाडव्याच्या निमित्ताने राज्यभरात विविध शोभायात्रा यात्रा आणि कार्यक्रमाचं आयोजन करण्यात आलं आहे.  जाणून घेऊयात आज दिवसभरातील महत्त्वाच्या घडामोडी...

मुंबई -  गिरगावच्या फडके गणेश मंदिरापासून सकाळी 8 वाजल्यापासून शोभा यात्रेला सुरूवात होणार आहे. साडेतीन शक्तीपीठावर आधारित चित्ररथ हे या शोभा यात्रेतलं मुख्य आकर्षण असणार आहे. आर्य चाणक्य यांच्या हातात 22 फुटी गुढी या चित्ररथात साकारली जाणार आहे. 

डोंबिवली - गुढीपाडव्यानिमित्त नववर्ष स्वागत यात्रा सकाळी 6:45 वाजता सुरू होईल. मुख्यमंत्री एकनाथ शिंदे सकाळी 8.30 वाजता येतील. आकाश ठोसर आणि सायली पाटील डोंबिवलीमध्ये सकाळी 7 वाजल्यापासून असेल. सोनी मराठीची टीम हास्य जत्रा सकाळी 6.30 वाजल्यापासून शोभायात्रेत होणार आहेत.

ठाणे (Thane) – कोपिनेश्र्वर मंदिर न्यासा सकाळी 7 वाजता कोपिनेश्र्वर मंदिर, तलावपाळी येथून शोभा यात्रा निघणार आहे.

मुलुंड शोभायात्रा – मुलुंड गुढीपडवा शोभा यात्रा समिती आयोजित गुढी पाडवा शोभायात्रा सकाळी 7.30 वाजता निघेल. चिंतामणराव देशमुख उद्यान ते संभाजी मैदान निघणाऱ्या यात्रेत पारंपरिक वेशभूषा, ढोल ताशा पथक, लेझीम असेल. 

कोल्हापूर  – गुढीपाडव्याच्या निमित्ताने कोल्हापुरातील मिरजकर तिकटी येथून सकाळी 9.30 वाजता शोभा यात्रा सुरू होणार आहे. या शोभायात्रेत सुरूवातीला बाईकर्स त्यानंतर बैलगाड्या, मर्दानी खेळ, झिम्मा फुगडी, लेझीम पथक, ढोल पथक राजपथप्रमाणे साडेतीन शक्तीपीठाचा देखावा आणि त्यानंतर छत्रपती शिवाजी महाराजांचा पुतळा असणार आहे. 

पुणे – पुण्यात  (Pune)  बावधन परिसरात शोभा यात्रा असणार आहे, सकाळी 7.30 वाजता. या यात्रेमध्ये साधारण 500 लोक असतील. पोवाडा, लेझीम, ढोल पथक अशी पारंपरिक पद्धतीची यात्रा असेल. 

नाशिक – भद्रकाली येथून शोभायात्रा निघणार आहे, सकाळी 7 वाजता. 

नागपूर – सिद्धिविनायक ट्रस्टकडून सकाळी 6.30 वाजता नववर्षाच्या स्वागतासाठी शोभायात्रा निघते. नागपूरच्या तात्या टोपे नगर गणेश मंदिरातून निघून ही मिरवणूक लक्ष्मीनगर चौकात पोहचेल. तेथे सामूहिक रामरक्षा पठणाचा कार्यक्रम होणार आहे. या कार्यक्रमात उपमुख्यमंत्री देवेंद्र फडणवीस उपस्थित राहण्याची शक्यता आहे.

मनसेचा गुढीपाडवा मेळावा (Mns Gudi Padwa Melava)
महाराष्ट्र नवनिर्माण सेनेचे अध्यक्ष राज ठाकरे (raj thackeray) यांचा गुढीपाडवा आज शिवाजी पार्कवर होणार आहे. मनसेच्या वर्धापन दिनाच्या कार्यक्रमात राज ठाकरे यांनी पाडवा मेळाव्यात सगळं बाहेर काढणार असल्याचा इशारा दिला होता. यामुळे पाडवा मेळाव्यात राज ठाकरे काय बोलतात? याकडे सर्वांचे लक्ष लागले आहे. 

23:45 PM (IST)  •  22 Mar 2023

Chandrapur News : चंद्रपूर: वरोरा-वणी मार्गावर कारच्या भीषण अपघातात प्रसिद्ध डॉक्टर दाम्पत्याचा मृत्यू

Chandrapur News : चंद्रपूर जिल्ह्यातील नवीन वरोरा-वणी मार्गावर कारचा भीषण अपघात झाला. या अपघातात यवतमाळ जिल्ह्यातील मारेगाव येथील प्रसिद्ध डॉक्टर दाम्पत्याचा मृत्यू झाला आहे. नव्या महामार्गावर कारला विरुद्ध दिशेने येणाऱ्या वाहनाने धडक दिली. मारेगाव येथील स्त्रीरोगतज्ज्ञ डॉ. अश्विनी गौरकार आणि त्यांचे पती डॉ. अतुल गौरकार यांचा अपघातात घटनास्थळीच मृत्यू झाला. 

22:58 PM (IST)  •  22 Mar 2023

अमृता फडणवीस लाच ऑफर प्रकरण:  मुंबई पोलिसांनी अनिक्षा जयसिंघानीच्या आवाजाचे आणि हस्ताक्षराचे नमुने घेतले

अमृता फडणवीस लाच ऑफर प्रकरण:  मुंबई पोलिसांनी अनिक्षा जयसिंघानीच्या आवाजाचे आणि हस्ताक्षराचे नमुने घेतले आहेत.

 ते आता फॉरेन्सिक तपासणीसाठी पाठवणार आहेत.

 अमृता फडणवीस यांना पाठवलेल्या व्हिडिओमधील ऑडिओची पडताळणी करण्यासाठी घेतले नमुने

 पोलिसांना तिच्या मोबाईल फोनचा लॉक उघडण्यास यश मिळाले आहे. अधिक तपशील मिळविण्यासाठी त्यांची छाननी सुरू आहे.  याआधी अनिक्षा पासवर्ड शेअर करण्यास करत होती टाळाटाळ

17:28 PM (IST)  •  22 Mar 2023

जालन्यात वांगी रस्त्यावर फेकून शेतकऱ्यांचा संताप

जालना जिल्ह्यातील भोकरदन तालुक्यातल्या  पिंपळगाव रेणुकाई येथील एका शेतकऱ्याने वांग्याला एक रुपया किलोच भाव मिळत असल्यामुळे संताप व्यक्त करत वांगे रस्त्यावर फेकून दिले. मंगळवारी आठवडी बाजारात रामेश्वर देशमुख यांनी वांगे तोडून विक्रीसाठी आणले, मात्र दिवसभर बसूनही खर्चही निघत नसल्याच लक्षात येताच शेवटी  त्यांनी ही वांगे रस्त्यावर फेकून आपल्या संतापलावाट मोकळी करून दिली.

14:47 PM (IST)  •  22 Mar 2023

Corona Virus:  कोरोनाचे वाढते रुग्ण पाहता पंतप्रधान मोदींनी बोलावली तातडीची बैठक

Corona Virus:  कोरोनाचे वाढते रुग्ण पाहता पंतप्रधान मोदींनी  तातडीची बैठक बोलावली आहे.  दुपारी साडेचार वाजता पंतप्रधान मोदींची बैठक होणार आहे. कोविडबाबत परिस्थिती हाताळण्यासाठी तयारीचा आढावा घेण्यात येणार आहे. 

11:48 AM (IST)  •  22 Mar 2023

Sanjay Raut : महाराष्ट्राच्या गुढीवर केंद्र सरकारचं आक्रमण, संजय राऊत यांची टीका

Sanjay Raut : महाराष्ट्राची गुढी म्हणून शिवसेनेचा उल्लेख केला जातो. त्या गुढीवर केंद्र सरकारने मोघलाई पद्धतीने आक्रमण केलंय अशी टीका खासदार संजय राऊत यांनी केलीये.  तर नव्या वर्षात शिवसेनेची गुढी उभारण्याचा संकल्प जनतेने केला असल्याचं राऊत म्हणालेत..