Corona Update | राज्यात आज 3721 कोरोनाबाधित रुग्णांची नोंद, 1962 रुग्ण कोरोनामुक्त

राज्यातील कोरोनाबाधितांचा आकडा 3721 ने वाढला असून राज्यातील एकूण रुग्णसंख्या 1,35,796 वर गेली आहे. तर दिवसभरात 62 कोरोनाबाधित रुग्णांचा मृत्यू झाला आहे. तर आज 1962रुग्णांना डिस्चार्ज देण्यात आला आहे.

मुंबई : राज्यात आज 3721 कोरोनाबाधित रुग्णांची नोंद झाली आहे. राज्याचा रुग्ण बरे होण्याचा दर 49.86 टक्के एवढा आहे. राज्यात आज 1962 रुग्णांना घरी सोडण्यात आले आहे. तर आतापर्यंत एकूण 67 हजार 706 रुग्णांनी यशस्वीपणे कोरोनावर मात केली आहे. सध्या राज्यात 61 हजार 793 रुग्णांवर (ॲक्टीव्ह) उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

राज्यात आज 3721कोरोना बाधीत रुग्णांची वाढ झाली व एकूण संख्या आता 135796 अशी झाली आहे. आज नवीन 1962 कोरोना बाधित रुग्ण बरे झाले आहेत. एकूण 67706रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 61793 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) June 22, 2020

राज्यात 62 कोरोनाबाधित रुग्णांच्या मृत्यूची नोंद आज झाली आहे. यासह आतापर्यंत 6283 कोरोनाबाधित रुग्णांचा मृत्यू झाला आहे. आज नोंद झालेल्या मृत्यूंपैकी मुंबईत 46, वसई विरार 2, रायगड 2 आणि कल्याण डोंबीवलीमध्ये एक जणांचा मृत्यू झाला आहे.

आजपर्यंत 7 लाख 87 हजार 419 नमुने प्रयोगशाळांत पाठवण्यात आले असून त्यातील 1 लाख 35 हजार 796 नमुने पॉझिटिव्ह आले आहेत. सध्या राज्यात 6 लाख 1 हजार 182 जण होम क्वॉरंटाईनमध्ये तर 26 हजार 910 जण संस्थात्मक क्वॉरंटाईनमध्ये आहेत.

BMC Commissioner Iqbal Chahal | पावसाळ्यात कोरोना रुग्णांची संख्या वाढण्याची शक्यता- इक्बाल सिंह चहल