स्मार्ट बुलेटिन | 17 मार्च 2019 | रविवार | एबीपी माझा

1. लोकसभेसाठी भाजप-शिवसेनेच्या उमेदवारांची आज पहिली यादी जाहीर होण्याची शक्यता, काल दिवसभर बैठकांचं सत्र, तरीही नावं गुलदस्त्यात

2. नोटाबंदीच्या एका निर्णय़ानं शेतकऱ्यांच्या घामाची किंमत उद्ध्वस्त, शरद पवारांचा नरेंद्र मोदींवर घणाघात, राफेल, दहशतवादी हल्ल्यावरुनही सरकारवर ताशेरे

3. आमदार अर्जुन खोतकर मातोश्रीवरील बैठकीनंतरही लोकसभा लढण्यावर ठाम, आज औरंगाबादेत दोन्ही पक्षनेत्यांच्या बैठकीत अंतिम निर्णय होण्याची शक्यता

4. लोकसभा निवडणूक लढवण्याबाबत मनसे 19 मार्चला भूमिका स्पष्ट करणार, नरेंद्र मोदींविरोधात शड्डू ठोकण्यासाठी मनसे अध्यक्ष राज ठाकरे राष्ट्रवादीला पाठिंबा देण्याची शक्यता

5. मतदानाच्या 48तास आधी जाहीरनामा प्रसिद्ध करण्यास मज्जाव, केंद्रीय निवडणूक आयोगाची सूचना, आता सर्व पक्षांना दोन दिवस आधीच जाहीरनामा प्रसिद्ध करावा लागणार

6. आपल्या मुख्यमंत्रीपदाच्या स्वप्नानं अनेकांची झोप उडाली, भुसावळमधील पारितोषिक वितरण समारंभात एकनाथ खडसेंची खदखद,विद्यार्थ्यांना मोठं स्वप्न पाहण्याचा सल्ला

7. गोव्यात सत्ता स्थापनेसाठी काँग्रेसच्या हालचाली, राज्यपालांकडे सत्ता स्थापनेचा दावा, पर्रिकरांच्या आजारपणामुळं राजकीय हालचालींना वेग

8. हिंगोलीत पब्जी गेमचा नाद दोन तरुणांच्या जीवावर, रेल्वेरुळावर पब्जी खेळणाऱ्या दोघांना रेल्वेनं चिरडलं, दोघांचा जागीच मृत्यू

9. न्यूझीलंडमधील मशिदीवरच्या हल्ल्यात 7 भारतीयांचा मृत्यू, अजूनही 2 जण गायब, ऑस्ट्रेलियाच्या टेरेंटवर हत्येच्या आरोपांची निश्चिती

10. तेलंगणा सीमेवरुन तब्बल 1 कोटी रुपयांचं बीटी बियाणं जप्त, चंद्रपुरातल्या लक्कडकोड गावात चंद्रपूर कृषी विभाग आणि पोलिसांची संयुक्त कारवाई