अपणा अजेंडा क्लियर है, भाजप को दबाना है! शिंदेसेनेत प्रवेश करण्याआधीच उन्मेष पाटलांची क्लीप व्हायरल, भाजप आमदाराच आक्षेप
उन्मेष पाटील यांची एक क्लिप सध्या जोरदार व्हायरल झाली आहे. या क्लीपवर भाजप आमदार मंगेश चव्हाण यांनी आक्षेप घेतला आहे
Mangesh Chavan on Unmesh Patil : जळगाव जिल्ह्यासह उत्तर महाराष्ट्राच्या राजकारणात शिवसेना ठाकरे गटाला मोठा धक्का बसला आहे. शिवसेना उद्धव बाळासाहेब ठाकरे पक्षाचे महत्त्वाचे नेते आणि माजी खासदार उन्मेष पाटील यांनी मशाल सोडून उपमुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश करण्याचा निर्णय घेतलाय. येत्या शुक्रवारी, 6 मार्च रोजी मुंबईत आपल्या शेकडो समर्थकांसह ते अधिकृतपणे शिंदेसेनेत प्रवेश करणार आहेत. मात्र, त्यापूर्वी उन्मेष पाटील यांची एक क्लिप सध्या जोरदार व्हायरल झाली आहे. या क्लीपवर भाजप आमदार मंगेश चव्हाण यांनी आक्षेप घेतला आहे. याबबात आमच्या वरिष्ठांकडे तक्रार करणार असल्याचे चव्हाण म्हणाले.
नेमकं प्रकरण काय?
भाजपमधून ठाकरेंच्या शिवसेनेत दाखल झालेले आणि खासदारकीची निवडणूक लढवलेले उन्मेष पाटील हे आता एकनाथ शिंदे यांच्या शिवसेनेत उद्या प्रवेश करणार आहेत. मात्र त्यांची एक क्लिप सध्या व्हायरल होत आहे. अपणा अजेंडा क्लियर है भाजप को दबाना है, अशा आशयाची उन्मेष पाटील यांची क्लीप आहे. यावर भाजप आमदार मंगेश चव्हाण यांनी आक्षेप घेतला आहे. एकनाथ शिंदेंनी कोणाला प्रवेश द्यावा हा त्यांचा विषय आहे. मात्र, आपणा अजेंडा क्लियर है भाजप को दबाना है हे नेमकं काय? असा सवाल मंगेश चव्हाण यांनी केला आहे. आम्ही यासंदर्भात आमच्या वरिष्ठांकडे तक्रार करणार आहोत असं मंगश चव्हाण यांनी सांगितलं आहे.
2024 च्या लोकसभेला भाजपकडून तिकीट नाकारल्यामुळे उन्मेष पाटलांचा शिवसेना ठाकरे गटात प्रवेश
शिवसेनेत उभी फूट पडल्यापासून अनेक नेते एकनाथ शिंदे यांच्या शिवसेनेत दाखल झाले. अनेक आमदार, विविध जिल्हाध्यक्ष, तालुकाध्यक्षांनी तीन वर्षांपूर्वी शिंदे सेनेत प्रवेश केला. तर आता कोणत्याही निवडणुका नसतानाही इतर काही कारणांमुळे उन्मेष पाटील हे शिंदेच्या शिवसेनेतदाखल होत आहेत. छत्रपती संभाजीनगरच्या बँकेकडून उन्मेष पाटील यांच्या मालमत्तेची जप्तीची कारवाई सुरू होताच त्यांनी शिंदे सेनेत प्रवेश करण्याचा निर्णय घेतल्याचे बोलले जात आहे. त्यामुळं राजकीय वर्तुळात खळबळ उडाली आहे. पाटील यांनी 2024 च्या लोकसभेला भाजपकडून तिकीट नाकारल्यामुळे शिवसेना ठाकरे गटात प्रवेश केला होता. ठाकरेंच्या शिवसेनेकडून 2024 ला चाळीसगाव विधानसभा देखील लढवली होती, मात्र त्यांचा पराभव झाला होता. आता त्यांच्या या पक्ष सोहळ्याने चाळीसगावसह जळगावच्या राजकारणात शिंदे सेनेत गट तट तयार होतील की शिवसेना अधिक मजबूत होईल ही चर्चा होत आहे.
मिळालेल्या माहितीनुसार, उन्मेष पाटील यांनी गेल्या महिन्यात श्रीकांत शिंदे यांची भेट घेत प्राथमिक चर्चा केली होती. 2019 मध्ये भाजपच्या तिकिटावर लोकसभेत निवडून आलेल्या पाटील यांना 2024 मध्ये उमेदवारी नाकारल्यानंतर त्यांनी उद्धव ठाकरे यांच्या नेतृत्वातील शिवसेनेत प्रवेश केला होता. मात्र, विधानसभा निवडणुकीतील पराभवानंतर त्यांची सक्रियता कमी झाली होती. आता त्यांच्या शिंदेसेनेतील प्रवेशामुळे जिल्ह्यातील राजकीय समीकरणे पुन्हा एकदा बदलण्याची चिन्हे आहेत.
Before You Go
Rahul Gandhi Amit Shah Special Report : संसदेच्या अधिवेशनात विद्यार्थ्यांच्या मुद्यावरुन घमासान
महत्त्वाच्या बातम्या
