Odisha CM Record : नवीन पटनायक ठरले सर्वाधिक काळासाठी पद भूषवणारे दुसरे मुख्यमंत्री, मोडला 'या' नेत्याचा विक्रम

Naveen Patnaik Record : ओरिसाचे मुख्यमंत्री नवीन पटनायक हे गेल्या अनेक वर्षांपासून राज्याची सेवा करत आहेत.

Naveen Patnaik Record

Naveen Patnaik Record : ओरिसाचे (Odisha) मुख्यमंत्री नवीन पटनायक (CM Naveen Patnaik) यांच्या नावावर एक नवीन कामगिरी जमा झाली आहे. पटनायक रविवारी (23 जुलै) 23 वर्षे आणि 139 दिवसांच्या कार्यकाळासह भारतातील एका राज्याचे सर्वात जास्त काळ काम करणारे दुसरे मुख्यमंत्री ठरले आहेत. त्यांनी पश्चिम बंगालचे माजी मुख्यमंत्री ज्योती बसू यांचा विक्रम मागे टाकला आहे.

मुख्यमंत्री नवीन पटनायक आता सिक्कीमच्या पवन कुमार चामलिंग यांच्यानंतर दुसऱ्या क्रमांकावर आहेत, ज्यांनी डिसेंबर 1994 ते मे 2019 दरम्यान सर्वाधिक 24 वर्षे आणि 166 दिवस राज्याचे नेतृत्व करण्याचा विक्रम केला आहे. तर, माजी मुख्यमंत्री बसू यांनी 2000 मध्ये पूर्वेकडील राज्यात सतत 23 वर्ष राज्य केल्यानंतर पद सोडले. मे 2019 मध्ये हिमालयीन राज्यातील विधानसभा निवडणुकीत चामलिंग यांचा पराभव झाला.

चामलिंग यांचा विक्रमही मोडू शकतो

1997 मध्ये, जेव्हा नवीन पटनायक यांनी त्यांचे वडील आणि माजी मुख्यमंत्री बिजू पटनायक यांच्या निधनानंतर राजकारणात प्रवेश केला तेव्हा त्यांच्या विरोधकांनी आणि हितचिंतकांनी त्यांना नवखे म्हणून नाकारले. पुढच्या वर्षी होणाऱ्या विधानसभा निवडणुकीत बिजू जनता दल (बीजेडी) ओरिसात पुन्हा सत्तेत आल्यास पटनायक हे देशातील सर्वाधिक काळ काम करणारे मुख्यमंत्री ठरतील,

वडिलांच्या निधनानंतर त्यांनी आस्का लोकसभा मतदारसंघातून पोटनिवडणूक लढवली आणि जिंकली. नंतर भाजपच्या मदतीने नवीन पटनायक यांनी जनता दलापासून फारकत घेतली आणि स्वतःचा पक्ष बिजू जनता दल (बीजेडी) स्थापन केला. पुढील वर्षीच्या लोकसभा निवडणुकीत त्यांच्या पक्षाने भाजपबरोबर युती केली आणि पटनायक पंतप्रधान अटलबिहारी वाजपेयी यांच्या सरकारमध्ये पोलाद आणि खाण मंत्री म्हणून सामील झाले.

त्यांची भाजपबरोबरची युती 2009 पर्यंत कायम होती. नंतर वेगळा मार्ग निवडला. नवीन पटनायक हे एक मजबूत आणि लोकप्रिय प्रतिमा असलेले नेते आहेत. राजकीय आव्हानांचा सामना करणे ही त्यांची सर्वात मोठी ताकद आहे. पटनाईक यांनी आपला मतदारवर्ग टिकवण्यासाठी सर्वतोपरी प्रयत्न केले आहेत.

महत्त्वाच्या बातम्या :