Medicines: घाऊक महागाईचा परिणाम; एप्रिलपासून अत्यावश्यक औषधं 10 टक्क्यांनी महागणार 

Essential Medicines: एप्रिल महिन्यापासून जीवनावश्यक 800 औषधांची किंमत वाढणार आहे. त्यामुळे सर्वसामान्यांच्या खिशाला कात्री लागणार आहे.

प्रतिकात्मक छायाचित्र औषधं

नवी दिल्ली: वाढत्या घाऊक महागाईचा परिणाम आता थेट औषधांवर होणार आहे. परिणामी एप्रिल महिन्यापासून जीवनावश्यक 800 औषधांची किंमत वाढणार आहे. रशिया-युक्रेन युद्ध, कोरोना, लॉकडाऊन या सगळ्याचा थेट परिणाम जागतिक अर्थव्यवस्थेवर झाला आहे आणि महागाई मोठ्या प्रमाणात वाढली आहे.

नॅशनल लिस्ट ऑफ एसेन्शियल मेडिसिन्समधील (NLEM) जवळपास 800 औषधे आणि वैद्यकीय उपकरणांच्या किमती अनेक वर्षांनी प्रथमच 10 टक्क्यांनी वाढणार आहेत. सरकारी अधिकाऱ्यांनी दिलेल्या माहितीनुसार घाऊक किंमत निर्देशांकात (WPI) तीव्र वाढ लक्षात घेऊन हा निर्णय घेतला गेला आहे.

NELM मध्ये सूचीबद्ध औषधांची वार्षिक वाढ WPI च्या आधारावर आहे. या यादीमध्ये समाविष्ट असलेली औषधे अत्यावश्यक औषधांच्या श्रेणीमध्ये गणली जातात आणि ती किरकोळ विक्रीव्यतिरिक्त सरकारच्या अनेक आरोग्य कार्यक्रमांसाठी म्हणजेच योजनांकरिता वापरली जातात.

वाणिज्य आणि उद्योग मंत्रालयाच्या आर्थिक सल्लागाराच्या कार्यालयानुसार, देशभरातील WPI महागाई जानेवारी 2021 मध्ये 2.51 टक्क्यांच्या तुलनेत जानेवारीमध्ये 12.96 टक्क्यांनी वाढली आहे. एप्रिल 2021 नंतर, ते दुहेरी अंकात राहिले.

अनुसूचित औषधे
नॅशनल फार्मास्युटिकल प्राइसिंग अथॉरिटी (NPPA) च्या अधिकार्‍यांनी सांगितले की, निवडक औषधांच्या किमतीतील बदलांसाठी WPI हा आधार म्हणून घेतला जात असल्याने, या तीव्र वाढीचा परिणाम 1 एप्रिल 2022 पासून लागू होणाऱ्या नवीन किमतींवर दिसून येईल.

आंतरिक पातळीवर चर्चा सुरू आहे आणि NELM मध्ये समाविष्ट असलेल्या औषधांच्या किमती 10 टक्क्यांहून अधिक वाढू शकतात, कारण WPI आधार लक्षात घेणे आवश्यक आहे असं NPPA अधिकाऱ्यांनी सांगितले आहे.

NELM यादीमध्ये समाविष्ट असलेली औषधे ताप, संक्रमण, हृदयविकार, उच्च रक्तदाब, त्वचा रोग आणि अशक्तपणा यासारख्या रोगांवर उपचार करण्यासाठी वापरली जातात. यामध्ये पॅरासिटामॉल आणि अॅझिथ्रोमायसिन यांसारख्या प्रतिजैविकांचा समावेश आहे जे बॅक्टेरियाच्या संसर्गावर उपचार करण्यासाठी वापरले जातात, फॉलिक अॅसिड, जीवनसत्त्वे आणि खनिजे यांसारख्या अॅनिमिक प्रिस्क्रिप्शनचा समावेश होतो.

कोविड-19 च्या उपचारातही औषधांचा वापर केला जातो तर काही औषधे मध्यम ते गंभीर COVID-19 रूग्णांवर उपचार करण्यासाठी वापरली जातात. तसेच त्यात प्रेडनिसोलोन सारख्या स्टिरॉइड्सचा समावेश होतो.

भारतीय बाजारपेठेत उपलब्ध सुमारे 6,000 फॉर्म्युलेशन शेड्यूल औषधे आहेत, याचा अर्थ ती किंमत नियंत्रणात आहेत किंवा त्यांची कमाल किरकोळ किंमत NPPA द्वारे निश्चित केली आहे. गेल्या काही वर्षांत, कोरोनरी स्टेंट आणि गुडघा रोपण यांसारखी अनेक वैद्यकीय उपकरणेही किमती नियंत्रणाखाली आणली गेली आहेत.

रुग्णांचा त्रास वाढणार
किमतीत मोठी वाढ तार्किकदृष्ट्या न्याय्य असली तरी त्यामुळे लोकांना अनेक समस्या निर्माण होऊ शकतात अशी प्रतिक्रिया रुग्ण हक्क गट असलेल्या ऑल इंडिया ड्रग अॅक्शन नेटवर्कशी संबंधित चिनू श्रीनिवासन यांनी त्यानंतर दिली आहे

भूतकाळात अशी प्रकरणे घडली आहेत जेव्हा WPI मध्ये लक्षणीय वाढ झाली आहे परंतु औषधांच्या किमती मोजण्यासाठी ही व्यवस्था करण्यात आली आहे कारण WPI गणना ही वस्तूंच्या बास्केटच्या वाढीवर अवलंबून असते ज्याचा फार्मास्युटिकल उद्योगाशी थेट संबंध नसल्याचंही श्रीनिवासन यांनी म्हटलं आहे.

महत्त्वाच्या बातम्या: