ISRO PSLV : इस्रोची नवी 'गगन भरारी', PSLV C54 रॉकेट लाँच, ओशनसॅट-3 सह 8 नॅनो सॅटेलाइटचं प्रक्षेपण
ISRO PSLV C54 Launch : इस्रोकडून ओशनसॅट-3 सह 8 नॅनो सॅटेलाइटचं प्रक्षेपण करण्यात आलं आहे. श्रीहरीकोटा येथील अंतराळ केंद्रातून पीएसएलवी-सी54-इओएस-06 रॉकेटने ( PSLV-C54-ESO-06) उड्डाण केलं आहे.
ISRO Launch PSLV : भारतीय अंतराळ संशोधन संस्था ( Indian Space Research Organisation ) म्हणजे इस्रोने ( ISRO ) आणखी एक 'गगन भरारी' घेतली आहे. आज PSLV-C54 रॉकेट लाँच करण्यात आलं आहे. इस्रोकडून ओशनसॅट-3 (Oceansat 3) सह 8 नॅनो सॅटेलाइटचं (Nano Satelites) प्रक्षेपण करण्यात आलं आहे. श्रीहरीकोटा येथील अंतराळ केंद्रातून पीएसएलवी-सी54-इओएस-06 रॉकेटने ( PSLV-C54-ESO-06) उड्डाण केलं आहे. या रॉकेटमधून ओशनसॅट-3 ( Oceansat 3 ) उपग्रह आणि 8 नॅनो म्हणजे लहान उपग्रहांचं प्रक्षेपण ( Nano Satellite Launch ) करण्यात आलं आहे. इस्रोच्या पीएसएलव्ही रॉकेट लाँचरची ही 24 वी मोहिम आहे.
ओशनसॅट 3 (Oceansat 3)
ओशनसॅट-3 (Oceansat 3) हा 1000 किलो वजनाचा उपग्रह आहे. हा उपग्रह समुद्र आणि पृथ्वीचा पृष्ठभाग आणि वातावरणाचा अभ्यास करणार आहे. याशिवाय भारताच्या सागरी क्षेत्रासह मित्र देशांच्या सागरी भागातील क्लोरोफिल, फायटोप्लँक्टन, एरोसोल आणि प्रदूषणाची तपासणी करण्यास मदत करेल. या सॅटेलाईटमुळे संभाव्य चक्रीवादळाची माहिती मिळू शकेल, त्यामुळे होणारे नुकसान टाळता येईल.
Andhra Pradesh | PSLV-C54 takes off from Satish Dhawan Space Centre in Sriharikota. pic.twitter.com/lxsOccncTg
— ANI (@ANI) November 26, 2022
PSLV-C54 रॉकेटमधून 'EOS-06 (Oceansat-3) आणि आठ छोटे सॅटेलाईट अंतराळात सोडले जातील. यामध्ये पिक्सेलमधून आनंद आणि भूटानसॅट, ध्रुव अंतराळमधून दोन थायबोल्ट तर स्पेसफ्लाइट युएसएमधून चार अशा एकूण आठ छोट्या उपग्रहांचं प्रक्षेपण करण्यात येणार आहे. यामध्ये भूटानसॅट (BhutanSat), थायबोल्ट-1 (Thybolt-1), थायबोल्ट-2 (Thybolt-2), आनंद (Anand) आणि चार ॲस्ट्रोसॅट (Astrocast) या छोट्या उपग्रहांचा समावेश आहे.
भूटानसॅट (BhutanSat / INS-2B)
ओशनसॅट व्यतिरिक्त या प्रक्षेपणात आठ नॅनो सॅटेलाईट म्हणेज छोटे उपग्रहही अंतराळात पाठवण्यात आले आहेत. यामध्ये सर्वात महत्त्वाचा उपग्रह भूटानसॅट (BhutanSat / INS-2B) आहे. भूतानसॅट हा भारत-भूतानचा संयुक्त उपग्रह आहे. नॅनो हा उपग्रह आहे. हा उपग्रह जमीन, रस्ते, रेल्वे ट्रॅक, पूल यासंबंधित माहिती गोळा करेल.
इस्रोची मोठी मोहीम
इस्रोची ही मोठी मोहिम आहे. यामध्ये हे रॉकेट उपग्रहांना दोन कक्षेत घेऊन जाणार आहे. उड्डाणानंतर 20 मिनिटांनी ओशनसॅट उपग्रह पृथ्वीपासून 742 किमी उंचीवर सोडला जाईल.
शास्त्रज्ञ याला आतापर्यंतच्या सर्वात लांब मोहिमांपैकी एक मानत आहेत. यामध्ये रॉकेट उपग्रहाला दोन कक्षेत घेऊन जाईल. प्रक्षेपणाच्या 20 मिनिटांनंतर, ओशन-सॅट पृथ्वीपासून 742 किमी उंचीवर सोडले जाईल. त्यानंतर 516 ते 528 किमी अंतरावर इतर उपग्रह अवकाशात सोडले जातील.
महत्त्वाच्या बातम्या
