एक्स्प्लोर

Bihar : बिहारमध्ये खांदेपालट! नितीश कुमार राज्यसभेवर, तर मुख्यमंत्री भाजपचा होणार? निशांत कुमारांचीही राजकारणात एन्ट्री

Nitish Kumar : नितीश कुमार यांचे पुत्र निशांत कुमार (Nishant Kumar) यांची राजकारणात एन्ट्री होणार असून बिहारच्या उपमुख्यमंत्रिपदी त्यांची वर्णी लागण्याची शक्यता वर्तवली जात आहे.

By : सोमेश कोलगे | Updated at : 04 Mar 2026 04:26 PM (IST)

bihar politics nitish kumar rajyasabha candidate nishant kumar cm bjp marathi news Bihar : बिहारमध्ये खांदेपालट! नितीश कुमार राज्यसभेवर, तर मुख्यमंत्री भाजपचा होणार? निशांत कुमारांचीही राजकारणात एन्ट्री

Bihar Nitish Kumar

Source : abp majha

पाटना : देशाच्या राजकारणात मोठी घडामोड घडण्याची शक्यता असून बिहारमध्ये खांदेपालट होणार असल्याची माहिती विश्वसनीय सूत्रांनी दिली. बिहारचे मुख्यमंत्री नितीश कुमार (Nitish Kumar) हे राज्यसभेवर जाणार असून त्यांच्या जागी भाजपचा मुख्यमंत्री होणार असल्याची चर्चा आहे. त्याचवेळी नितीश कुमार यांचे पुत्र निशांत कुमार (Nishant Kumar) हे बिहारचे उपमुख्यमंत्री होतील अशी माहिती समोर येत आहे.

बिहारमध्ये एनडीएच्या वाट्याला राज्यसभेच्या आठ जागा येणार असून त्यापैकी दोन जागा या नितीश कुमार यांच्या संयुक्त जनता दलला मिळण्याची शक्यता आहे. त्या दोन जागांपैकी एका जागेवर नितीश कुमार राज्यसभेवर जातील अशी शक्यता वर्तवली जात आहे.

Bihar Politics Update : भाजपकडे मुख्यमंत्रिपद जाण्याची शक्यता

नितीश कुमार जर दिल्लीच्या राजकारणात गेले तर बिहारच्या मुख्यमंत्रिपदावर भाजप दावा करण्याची शक्यता आहे. बिहारमध्ये भाजपच्या सर्वाधिक जागा निवडून आल्या आहेत. त्याचवेळी नितीश कुमार यांचे पुत्र निशांत कुमार हे उपमुख्यमंत्रिपदावर निवडले जाण्याची शक्यता वर्तवली जात आहे.

राज्यसभेच्या नामांकनासाठी 5 मार्च ही शेवटची तारीख आहे. त्यामुळे उमेदवारी अर्ज दाखल करण्यासाठी अवघा एकच दिवस उरला आहे. अशात नितीश कुमार जर राज्यसभेवर गेले तर बिहारचे राजकारण पूर्णपणे बदलले जाण्याची शक्यता वर्तवली जात आहे.

भारतीय जनता पक्षाचे उमेदवार ठरले

भारतीय जनता पक्षाने राज्यसभेच्या पाच जागांसाठी आपले उमेदवार जाहीर केले आहेत. पक्षाचे राष्ट्रीय अध्यक्ष नितीन नवीन आणि प्रदेश सरचिटणीस शिवेश कुमार यांना उमेदवारी देण्यात आली आहे. केंद्रीय मंत्री रामनाथ ठाकूर यांची उमेदवारीही जवळजवळ निश्चित मानली जात आहे. नितीश कुमार यांच्या संयुक्त जनता दलला दोन जागा देण्यात आल्या आहेत, तर एक जागा राष्ट्रीय लोक मोर्चाचे अध्यक्ष उपेंद्र कुशवाहा यांना देण्यात आली आहे.