ESIC Recruitment 2021: कर्मचारी राज्य विमा महामंडळात नोकरीची संधी, 6552 पदांसाठी भरती

कर्मचारी राज्य विमा महामंडळात एकूण 6552 पदे भरण्यात येणार आहेत. अर्ज भरण्याची प्रक्रिया 2 मार्च 2021 पासून सुरू झाली आहे आणि 31 मार्च 2021 पर्यंत चालणार आहे.

ESIC Recruitment 2021 : सरकारी नोकरी शोधत असाल तर तुमच्यासाठी चांगली बातमी आहे. कर्मचारी राज्य विमा महामंडळाने (ESIC) विविध रिक्त पदे भरण्याचा निर्णय घेतला आहे. त्याअंतर्गत अपर डिव्हिजन क्लार्क (Upper Division Clerk), अपर डिव्हिजन क्लार्क कॅशियर (Upper Division Clerk Cashier), स्टेनोग्राफर या पदांसाठी जाहिरात निघाली आहे. याअंतर्गत एकूण 6552 पदे भरण्यात येणार आहेत. त्यापैकी अप्पर डिव्हिजन क्लार्क, अपर डिव्हिजन कॅशियरच्या 6306 आणि स्टेनोग्राफरच्या 246 जागांसाठी नियुक्ती करण्यात येणार आहे.

अर्ज भरण्याची प्रक्रिया 2 मार्च 2021 पासून सुरू झाली आहे आणि 31 मार्च 2021 पर्यंत चालणार आहे. ज्या उमेदवारांना अर्ज करावयाचे आहेत ते ईएसआयसीच्या अधिकृत पोर्टलवर जाऊन ऑनलाईन अर्ज करु शकतात. उमेदवाराला दाखल केलेल्या अर्जाच्या काही दोष आढळल्यास अर्ज फेटाळला जाईल.

ईएसआयसीने जारी केलेल्या अधिसूचनेनुसार स्टेनोग्राफर पदासाठी अर्ज करणारे उमेदवार कोणत्याही मान्यताप्राप्त संस्थेतून बारावी उत्तीर्ण असावेत. दुसरीकडे, अप्पर डिव्हिजन क्लार्क आणि अप्पर डिव्हिजन कॅशियर या पदासाठी अर्ज केलेल्या उमेदवारांनी कोणत्याही मान्यताप्राप्त संस्थेतून पदवी घेतलेली पाहिजे. यासह उमेदवारास मान्यताप्राप्त विद्यापीठाकडून संगणकीय ज्ञान असले पाहिजे. त्याचबरोबर उमेदवारांचे वय 18 ते 27 वर्षे असावे. आरक्षित प्रवर्गातील उमेदवारांना शासकीय निकषानुसार वयाची सवलत देण्यात येईल.

अशी असेल निवड प्रक्रिया

अप्पर डिव्हिजन क्लार्क/ अप्पर डिव्हिजन कॅशियर पदाची निवड लेखी परीक्षा व फिटनेस परीक्षेच्या आधारे केली जाईल. दुसरीकडे स्टेनोग्राफर पदासाठी मुलाखतीच्या आधारे पात्र उमेदवारांची निवड केली जाईल. याशिवाय भरतीसंबंधित अधिक माहितीसाठी उमेदवार ESIC अधिकृत पोर्टलला भेट देऊ शकतात.

Job Majha | भारतीय खाद्य महामंडळ (FCI) आणि UPSC येथे नोकरीच्या संधी