Hiccups Reason: उचकी का लागते? खरंच पाणी प्यायल्यावर उचकी जाते की हा फक्त एक भ्रम? पाहा...

Hiccups Fact: शरीराच्या सर्वात खालच्या भागातून, म्हणजेच डायाफ्रामपासून उचकीची सुरुवात होते. उचकी का येते आणि पाणी प्यायल्यावर खरंच उचकी जाते का, ते जाणून घेऊया.

Hiccups

Hiccups Reason And Remedie: काही लोक म्हणतात की, उचकी लागते म्हणजे कोणीतरी तुमची आठवण काढतं. मात्र, या सर्व बोलण्याच्या गोष्टी आहेत, पण या सर्व गोष्टींवर विज्ञानाचा विश्वास नाही. अनेक वेळा वारंवार उचकी येण्यामुळे लोक त्रस्त होतात, अशा परिस्थितीत उचकी थांबवण्यासाठी त्यांना पाणी पिण्यास सांगितलं जातं. ही उचकी का येते? आणि त्यावर पाणी पिण्याचा काय परिणाम होतो? हे जाणून घेऊया.

उचकी का लागते?

उचकीची प्रक्रिया शरीराच्या सर्वात खालच्या भागात असलेल्या डायाफ्रामपासून सुरू होते. सामान्यतः जेव्हा तुम्ही श्वास घेता तेव्हा डायाफ्राम खाली खेचला जातो आणि तुम्ही श्वास सोडता तेव्हा मूळ स्थितीत परत येतो. डायाफ्राम आकुंचन पावल्यामुळे फुफ्फुस वेगाने हवा आत खेचू लागतात, ज्यामुळे व्यक्तीला उचकी येते. उचकी येण्याचं आणखी एक कारण पोटाशीदे खील संबंधित आहे. जर तुम्ही जास्त अन्न खाल्लं तर पोट फुगतं आणि त्यानंतरही उचकी येते.

जर उचकी खूप दिवस येत असेल तर...?

सहसा उचकी थोड्या काळासाठी येते आणि नंतर स्वतःच बरी होते, परंतु काहीवेळा उचकी येणं बराच काळ चालू राहतं. जेव्हा डायाफ्रामशी संबंधित नसांना नुकसान पोहोचते तेव्हा असे होते. मज्जासंस्थेच्या विकारामुळे उचकी देखील बऱ्याच काळापर्यंत राहू शकते.

उचकी कशी थांबवावी?

उचकी थांबवण्यासाठी अनेक घरगुती उपाय सांगितले जातात, ज्यामध्ये थंड पाणी पिणं सर्वात सामान्य आहे. पण काही तज्ज्ञांचं म्हणणं आहे की, थोडा वेळ श्वास रोखून ठेवल्याने देखील आराम मिळतो आणि उचकी थांबते. कागदी पिशवीत श्वास घेतल्यानेही उचकी येणं थांबतं. वास्तविक, या दोन्ही पद्धतींमध्ये फुफ्फुसात फक्त कार्बन डायऑक्साइड वायू तयार होतो, ज्यामुळे डायाफ्रामला आराम मिळतो.

पाणी प्यायल्यामुळे खरंच उचकी थांबते का?

तज्ज्ञांच्या मते, उचकी हे एक प्रकारचे अनैच्छिक आकुंचन आहे, जे घरगुती उपचारांनी बरे होऊ शकते. पाणी पिणे हा फक्त एक उपाय आहे जो उचकी टाळण्यास मदत करू शकतो. उचकी थांबवण्यासाठी थंड पाणी प्यावं. थंड पाणी विविध कारणांमुळे होत असलेली डायाफ्रामची जळजळ टाळण्यास मदत करते, ज्यामुळे उचकी येते. त्यामुळे, थंड पाण्यामुळे उचकी थांबण्यास मदत होते, असे म्हणता येईल. परंतु हे 100% उचकी थांबवेलच असे नाही.

हेही वाचा: