Ideas of India : एबीपी नेटवर्कच्या आयडियाज ऑफ इंडियाला सुरुवात
ABP Network Ideas of India : ABP Network च्या Ideas of India Summit ला सुरुवात झाली आहे. एबीपी नेटवर्कचे मुख्य संपादक अतिदेब सरकार यांनी दीपप्रज्वलन करुन, या कार्यक्रमाला सुरुवात केली.
LIVE
Background
Maharashtra Live blog updates: सीलबंद लिफाफ्यातून प्रश्नपत्रिका गायब? बारावी परीक्षेत नवा धक्कादायक खुलासा. २५ ऐवजी २४ प्रश्नपत्रिका पोहचल्या परीक्षा केंद्रावर, केंद्रांवर पर्यवेक्षकांची तक्रार. विज्ञान शाखेचेच्या फिजिक्स, केमेस्ट्री, गणित, बायोलॉजीच्या पेपर संदर्भात घडली ही बाब. मुख्य सूत्रधार पाचवा आरोपी अद्याप पोलिसांच्या तावडीत लागलाच नाही. अटकेतील आरोपींनी मोबाईल फॉरमॅट केल्यानं तो डेटा रिकव्हर करण्यात आला, यात आणखीच धक्कादायक बाब समोर आली आहे. 18 तारखेला हा प्रकार समोर आल्यानंतर गुन्हा दाखल झाला, काही आरोपीनी मोबाईल डेटा फॉरमॅट केला, मर तरीही 21 फेब्रुवारीला गणिताचा पेपर फुटल्याचे डिजिटल पुरावे पोलिसांना मिळाले.
Badlapur Crime News: शाळकरी अल्पवयीन विद्यार्थींनीचा विनयभंग प्रकरण; आरोपी बस चालक जयेश मुने याला पोलिसांनी केले कल्याण न्यायालयात हजर
शाळकरी अल्पवयीन विद्यार्थींनीचा विनयभंग प्रकरण
आरोपी बस चालक जयेश मुने याला पोलिसांनी केले कल्याण न्यायालयात हजर
बदलापूरचे एसीपी शैलेश काळे हे या प्रकरणातील तपास अधिकारी
या प्रकरणात आरोपीला 2 मार्चपर्यंत पोलीस कोठडी आरोपीला देण्यात आली आहे
बस चालक आरोपी जयेश मुने याने आणखी किती मुलींसोबत असा प्रकार केला आहे का ? याचा तपास पोलिसांना करायचा असल्याने मागितली होती पोलीस कोठडी
या प्रकरणात पोलीस अधिकारी शैलेश काळे यांनी या गंभीर प्रकरणात बोलण्यास नकार देत पळ काढला
योगेश्वरी देवस्थानला भाविकाकडून 1 कोटी रुपयांची देणगी; मंदिराच्या शंभर वर्ष जुन्या शिखराच्या जीर्णोद्धारासाठी भक्ताने दिली गुप्त पद्धतीने देणगी
कोकण वासियांची कुलदैवता असलेल्या बीडच्या अंबाजोगाईतील योगेश्वरी देवीच्या मंदिरासाठी मुंबईतील एका भक्ताने तब्बल एक कोटी रुपयांची देणगी दिली आहे.मंदिराच्या शंभर वर्ष जुन्या शिखराच्या जीर्णोद्धारासाठी ही देणगी भक्ताकडून गुप्त पद्धतीने देण्यात आलीय.
योगेश्वरी मंदिराचे शिखर हे चुन्याच्या बांधकामात असल्याने ते काहीसे कमकुवत झाले होते. या ऐतिहासिक शिखराचा जिर्णोद्धार करण्याचा निर्णय नुकताच योगेश्वरी देवस्थान समितीकडून घेण्यात आला होता या कामासाठी साधारण 80 ते 90 लाख रुपयांचा खर्च अपेक्षित असल्याची माहिती मुंबईतील एका भक्ताला मिळाली.
त्यानंतर तातडीने एक कोटी रुपयांचा धनादेश योगेश्वरी देवस्थान समितीच्या विश्वस्थानकडे सुपूर्द केला होता ती रक्कम आता देवस्थान समितीच्या खात्यात जमा झाली असून या शिखराचा जिर्णोद्धार तामिळनाडू येथील कुशल कारागीर करणार आहेत.
आत्ता असलेल्या शिखराचे काय आहे वैशिष्ट्य
योगेश्वरी मंदिराचे बांधकाम हेमाडपंथी आहे,गाभाऱ्यासमोरील मंडप खांबावर उभा केलेला आहे.योगेश्वरी मंदिराच्या शिखराला पाच मजले असून शिखरावर गणेशाचे योगिनी रूप ,देवी तसेच विष्णूंच्या वेगवेगळ्या अवताराचा मूर्ती असलेला कळस भाविकांचे लक्ष वेधून घेतो. यामुळे मंदिराच्या भव्यत्वाची प्रचिती येते.
महत्त्वाच्या बातम्या
