Holi 2026 : सावधान! होळीत रंगांची उधळण करताना 'या' 7 गोष्टी टाळा, अन्यथा...

Holi 2026 : होळीच्या दिवशी आपल्या त्वचेची योग्य ती काळजी घेण्यासाठी काही घरगुती उपाय केल्याने आपल्या त्वचेचं नुकसान होणार नाही.

Holi 2026

होळी हा सण संपूर्ण भारतात मोठ्या उत्साहात साजरा केला जातो. मात्र, बऱ्याचदा होळी खेळण्यासाठी कॅमिकलयुक्त रंगाचा वापर करण्यात येतो.

हे रंग आपल्या त्वचेसाठी हानिकारक ठरु शकतात. त्यामुळे आपण काळजी घेणं फार गरजेचं आहे.

होळीच्या दिवशी आपल्या त्वचेची योग्य ती काळजी घेण्यासाठी काही घरगुती उपाय केल्याने आपल्या त्वचेचं नुकसान होणार नाही. चला तर जाणून घेऊयात या घरगुती गोष्टींबद्दल.

होळीच्या दिवशी तुम्ही तुमच्या चेहऱ्यावर खोबरेल तेल लावून घ्यावं यामुळे कॅमिलयुक्त रंगाचा वाईट परिणाम तुमच्या त्वचेवर होणार नाही. तसेच, कॅमिलयुक्त रंगामुळे तुमच्या त्वचेचं नुकसानही होणार नाही.

जर तुम्ही होळी खेळण्यासाठी लांब कुठे जाणार असाल तर तुम्ही तुमच्या चेहऱ्यावर पेट्रोलियम जेली अप्लाय करू शकता. पेट्रोलियम जेली वापरल्यानं रंगाबरोबरच उन्हापासूनही तुमच्या त्वचेचं संरक्षण होईल.

चेहऱ्याबरोबरच नखांची आणि ओठांची काळजी घेणंही महत्वाचं आहे. होळीच्या दिवशी ओठांची काळजी घेण्यासाठी तुम्ही लिप बामचा वापर करावा. तसेच नखांची काळजी घेण्यासाठी तुम्ही बाहेर जाण्यापूर्वी तुमच्या नखांवर नेलपेंट अप्लाय करायला अजिबात विसरू नका.

होळीच्या दिवशी चेहऱ्यासोबतच आपल्या संर्पूण त्वचेची काळजी घेणं गरजेचं आहे. त्यामुळे या दिवशी तुम्ही फुल स्लीव्हचे कपडे परिधान करावेत. तसेच, तुम्ही या दिवशी अशा फुटवेअर घालाव्यात ज्यामुळे तुमच्या पायांची त्वचाही सुरक्षित राहील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)