![metaverse](https://cdn.abplive.com/imagebank/metaverse-top.png)
Tamasha live : 15 जुलैला झळकणार ‘तमाशा लाईव्ह’; सोनाली, सिद्धार्थ अन् पुष्करची प्रमुख भूमिका
15 जुलै रोजी हा चित्रपट सिनेमागृहात प्रदर्शित होणार आहे.
![Tamasha live : 15 जुलैला झळकणार ‘तमाशा लाईव्ह’; सोनाली, सिद्धार्थ अन् पुष्करची प्रमुख भूमिका Tamasha live New Marathi Movie Sonalee Kulkarni Sanjay Jadhav Tamasha live : 15 जुलैला झळकणार ‘तमाशा लाईव्ह’; सोनाली, सिद्धार्थ अन् पुष्करची प्रमुख भूमिका](https://feeds.abplive.com/onecms/images/uploaded-images/2022/05/27/5f1352e9abc87e6b9de171a6415942ce_original.jpg?impolicy=abp_cdn&imwidth=1200&height=675)
Tamasha Live : अक्षय्य तृतीयेच्या शुभ मुहूर्तावर संजय जाधव (Sanjay Jadhav) दिग्दर्शित ‘तमाशा लाईव्ह’चे जबरदस्त टीझर सोशल मीडियावर झळकले होते. टीझरने चित्रपटाविषयीची उत्सुकता इतकी वाढवली की, प्रेक्षक चित्रपटाची आतुरतेने वाट पाहू लागले. मात्र आता ‘तमाशा लाईव्ह’ (Tamasha live) साठी प्रेक्षकांना जास्त काळ प्रतीक्षा करावी लागणार नाही, कारण येत्या 15 जुलै रोजी हा चित्रपट सिनेमागृहात प्रदर्शित होणार आहे.
प्लॅनेट मराठीचे प्रमुख, संस्थापक अक्षय बर्दापूरकर म्हणतात, ‘टिझरला मिळालेला प्रेक्षकांचा प्रतिसाद पाहता आम्ही हा चित्रपट लवकरच प्रेक्षकांच्या भेटीला आणण्याचा निर्णय घेतला आहे. ‘तमाशा लाईव्ह’म्हणजे प्रेक्षकांसाठी सांगितिक मेजवानी आहे. आपली लोककला जपत त्याला आधुनिकतेचा साज देण्याचा प्रयत्न या चित्रपटात करण्यात आला आहे.’
प्लॅनेट मराठी आणि माऊली प्रॅाडक्शन प्रस्तुत ‘तमाशा लाईव्ह’ची निर्मिती अक्षय बर्दापूरकर यांनी केला असून सौम्या विळेकर, डॉ. मनीषा किशोर तोलमारे, समीर विष्णू केळकर, अजय वासुदेव उपर्वात सहनिर्माते आहेत. संजय जाधव यांची पटकथा असलेल्या या चित्रपटाची कथा मनीष कदम यांची आहे. तर या चित्रपटाला अरविंद जगताप यांचे संवाद लाभले असून कथा विस्तार किरण यज्ञोपवित यांनी केला आहे. अमितराज, पंकज पडघन यांचे संगीत लाभलेल्या चित्रपटातील गाण्यांना क्षितीज पटवर्धन यांनी बोल दिले आहेत. ‘तमाशा लाईव्ह’मघ्ये सोनाली कुलकर्णी, सचित पाटील, सिद्धार्थ जाधव, पुष्कर जोग, हेमांगी कवी, नागेश भोसले, मृणाल देशपांडे, मनमीत पेम, आयुषी भावे आणि भरत जाधव यांच्या प्रमुख भूमिका आहेत.
संबंधित बातम्या
- Happy Birthday Dilip Joshi : कधीकाळी 50 रुपये मानधन घेणारे दिलीप जोशी आज आहेत कोट्यवधींचे मालक; एका एपिसोडसाठी घेतात एवढे मानधन
- Heropanti 2 : सिनेमागृहात धुमाकूळ घातल्यानंतर टायगर श्रॉफचा 'हीरोपंती 2' आता ओटीटी प्लॅटफॉर्मवर होणार प्रदर्शित
- BE Rojgaar : तीन बेरोजगारांची गोष्ट; ‘BE Rojgaar’ चा पहिला एपिसोड पाहिलात?
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)