Saif Ali Khan Birthday : पतौडी पॅलेस अन् लग्झरी गाड्या; 'नवाब' सैफचा राजेशाही थाट, जाणून घ्या संपत्तीबाबत
सैफ (Saif ali Khan) त्याच्या अभिनयामुळे आणि वैयक्तिक आयुष्यामुळे नेहमी चर्चेत असतो. आज त्याचा 52 वा वाढदिवस आहे.
Saif ali Khan Birthday : अभिनेता सैफ अली खानचा (Saif ali Khan) आज 52 वा वाढदिवस आहे. सैफ त्याच्या अभिनयामुळे आणि वैयक्तिक आयुष्यामुळे नेहमी चर्चेत असतो. बॉलिवूडचा छोटा नवाब अशी ओळख असणाऱ्या सैफचा जन्म 1970 मध्ये दिल्ली येथे झाला. सैफनं त्याच्या करिअरची सुरुवात परंपरा या चित्रपटातून केली. त्यानंतर त्यानं 'दिल्लगी','मैं खिलाडी तू अनाडी' यांसारख्या चित्रपटांमध्ये काम केले. बॉलिवूडमधील सर्वात श्रीमंत अभिनेत्यांच्या यादीत सैफचं नाव घेतलं जात. सैफकडे लग्झरी गाड्या, आलिशान घर आहे. जाणून घेऊयात सैफच्या संपत्तीबाबत...
सैफची संपत्ती
रिपोर्टनुसार, सैफ दर महिन्याला जवळपास तीन कोटींची कमाई करतो. तर वर्षभरात तो 30 कोटी कमावतो. त्याच्याकडे ऑडी, बीएमडब्लू 7 सीरीज, लेक्सस 470, मस्टांग, रेंज रोवर आणि लँड क्रूजर यांसारख्या गाड्या आहेत.
सैफचा पतौडी पॅलेस
सैफचा पतौडी पॅलेस हा हरियाणामध्ये आहे. पतौडी पॅलेसमध्ये 150 खोल्या आहेत. तसेच 100 नोकर या पॅलेसमध्ये काम करतात. पतौडी पॅलेसमध्ये वीर-जारा, मेरे ब्रदर की दुल्हन आणि मंगल पांडे या सुपर हिट चित्रपटांचे चित्रीकरण या पॅलेसमध्ये झाले आहे. तांडव या वेब सीरिजचे देखील शूटिंग या पॅलेसमध्ये झाले आहे. पतौडी पॅलेस हा डिझाइन रॉबर्ट टोर रसेल यांनी डिझाइन केला आहे. रॉबर्ट टोर रसेल यांनी दिल्लीमधील कनॉट प्लेस देखील डिझाइन केले होते. हा पॅलेस इब्राहिम कोठी म्हणून देखील ओळखला जातो. पतौडी पॅलेसची किंमत 800 कोटींपेक्षा जास्त आहे.
वैयक्तिक आयुष्यामुळे सैफ असतो चर्चेत
सैफ अली खान आणि अमृता सिंह यांचा 2004 मध्ये घटस्फोट झाला. अमृता आणि सैफला सारा आणि इब्राहिम ही दोन मुलं आहेत. त्यानंतर सैफ आणि अभिनेत्री करिना कपूर हे 'टशन' या चित्रपटाच्या शूटिंगदरम्यान एकमेकांच्या प्रेमात पडले. सैफने अभिनेत्री करिना कपूरसोबत 2012 साली लग्न केले. 20 डिसेंबर 2016 रोजी सैफ आणि करिनाला मुलगा झाला त्याचं नाव त्यांनी तैमुर असे ठेवले त्यानंतर करिना आणि सैफला दुसरा मुलगा झाला त्यांच नावं त्यांनी जहांगिर असं ठेवलं आहे.
वाचा इतर बातम्या:
महत्त्वाच्या बातम्या
ट्रेंडिंग न्यूज
