Kareena Kapoor: तिसऱ्या प्रेग्नन्सीच्या चर्चेवर करीनानं दिली प्रतिक्रिया; म्हणाली, 'मी मशीन आहे का?'

आता एका मुलाखतीमध्ये देखील करीरानं (Kareena Kapoor) तिसऱ्या प्रेग्नन्सीच्या चर्चेवर प्रतिक्रिया दिली आहे. 

Kareena kapoor

Kareena Kapoor : बॉलिवूडमधील प्रसिद्ध अभिनेत्री करीना कपूर खान (Kareena Kapoor) तिच्या वैयक्तिक आयुष्यामुळे चर्चेत असते.  काही दिवसांपूर्वी करीना ही पती सैफ अली खान (Saif Ali Khan) आणि तैमुर, जेह या तिच्या मुलांसोबत लंडनमध्ये ट्रिपला गेली होती. तेव्हा तिचा एक फोटो व्हायरल झाला होता. या फोटोमुळे करीना तिसऱ्यांदा प्रेग्नंट आहे, अशी चर्चा सोशल मीडियावर झाली होती. त्यानंतर करीनानं इन्स्टाग्रामवर एक स्टोरी शेअर करुन ही अफवा असल्याचं सांगितलं होतं. आता एका मुलाखतीमध्ये देखील करीरानं तिसऱ्या प्रेग्नन्सीच्या चर्चेवर प्रतिक्रिया दिली आहे. 

काय म्हणाली करीना? 
मुलाखतीमध्ये करीना म्हणाली, 'तो व्हायरल झालेला फोटो एडिट करण्यात आला होता. मी 40 दिवस सुट्टीवर गेले होते. तेव्हा मी खूप पिझ्झा खाल्ला होता. म्हणून माझे वजन वाढले होते. जेव्हा एखाद्या महिलेचं वजन वाढते तेव्हा लोकांना प्रश्न पडतो की, ती प्रेग्नंट आहे का? मी काय मशीन आहे का? हा माझा चॉइस आहे. त्यामुळे मी इन्स्टाग्रामवर ती स्टोरी शेअर केली होती. मी कोणत्याही गोष्टी लपवत नाही. मी आठ प्रेग्नंट होते तेव्हा देखील मी काम करत होते. '

करीनानं शेअर केली पोस्ट
करीनानं इन्स्टाग्रामवर एक स्टोरी शेअर करुन प्रेग्नन्सीबाबत सांगितलं होतं. तिनं या स्टोरीमध्ये लिहिलं होतं की, 'सर्वांनी शांत राहा मी प्रेग्नंट नाहीये. ते फक्त पास्ता जास्त खाल्ल्यानं आणि वाईन जास्त प्यायल्यानं झालं आहे. सैफ म्हणाला, त्यानं आधीच देशाच्या लोकसंख्येमध्ये बरेच योगदान दिलं आहे. एन्जोय केकेके.' 

करीना कपूरचा लाल सिंह चढ्ढा हा चित्रपट 11 ऑगस्ट रोजी प्रदर्शित होणार आहे. करीनासोबत अभिनेता आमिर खान हा या चित्रपटात प्रमुख भूमिकेत दिसणार आहे. लाल सिंह चड्ढा हा चित्रपट फॉरेस्ट गंप या चित्रपटाचा हिंदी रिमेक आहे. लाल सिंह चड्ढा या चित्रपटात मोना सिंह आणि चैतन्य अक्किनेनी मुख्य भूमिकेत दिसणार आहेत.

हेही वाचा: