Saif Ali Khan On Amrita Singh on : अमृता सिंहसोबत घटस्फोटानंतर सैफ म्हणाला, 'मी शाहरुख खान नाहीये', 'हे' होतं कारण

एका मुलाखतीमध्ये सैफनं (Saif Ali Khan) अमृता आणि त्याच्या नात्याबाबत सांगितलं.

Saif Ali Khan

Saif Ali Khan On Amrita Singh on : बॉलिवूडमधील प्रसिद्ध अभिनेता सैफ अली खान (Saif Ali Khan) आणि अमृता सिंह यांचा (amrita singh) 2004 मध्ये घटस्फोट झाला. हे दोघे त्यांच्या वैयक्तिक आयुष्यामुळे चर्चेत असतात. अमृतासोबत घटस्फोट झाल्यानंतर सैफनं 2012 मध्ये  अभिनेत्री करीना कपूरसोबत (Kareena Kapoor) लग्न केलं. एका मुलाखतीमध्ये सैफनं अमृता आणि त्याच्या नात्याबाबत सांगितलं.

सैफ म्हणाला होता, 'मी शाहरुख खान नाहीये'
रिपोर्टनुसार, घटस्फोट झाल्यानंतर सैफ अली खाननं अमृताला पाच कोटी दिले. याबाबत सैफनं एका मुलाखतीमध्ये सांगितलं की, ''मी अमृताला 5 कोटी रुपये देणार आहे, त्यातील जवळपास 2.5 कोटी रुपये मी तिला आधीच दिले आहेत. यासोबतच माझा मुलगा 18 वर्षांचा होईपर्यंत मी दर महिन्याला एक लाख रुपये देईल. मी शाहरुख खान नाही, माझ्याकडे इतके पैसे नाहीत. मी त्याला वचन दिले आहे की बाकीचे पैसेही मी देईन आणि काहीही झाले तरी नक्की देईन.'

करीनासोबत लग्न करण्याआधी सैफनं लिहिलं अमृताला पत्र
सैफने म्हणाला, 'अमृताला मी एक पत्र लिहिलं होतं. माझ्या आयुष्याच्या नव्या पर्वाबद्दल मी त्या पत्रामध्ये लिहीले होते. पत्र लिहून झाल्यानंतर मी ते करीनाला दाखवलं होतं. तिने ते पत्र वाचलं. तिला मी लिहीलेलं हे पत्र खूप आवडलं. त्यानंतर मी ते पत्र अमृताला पाठवलं होतं.'

सैफ आणि अमृता यांना सारा आणि इब्राहीम ही दोन मुलं आहेत. तर करीना आणि सैफ यांना तैमूर आणि जहांगिर ही मुलं आहेत. सैफचा विक्रम वेधा हा चित्रपट लवकरच प्रेक्षकांच्या भेटीस येणार आहे. 

वाचा सविस्तर बातमी: