Amruta Khanvilkar: अमृता खानविलकरचं फॅन्सला सरप्राईज! महिलादिनी अमृताची नवी इनिंग, उद्योग क्षेत्रात ठेवलं पाऊल, कोणता व्यवसाय करणार?

दरम्यान, महिला दिनाच्या निमित्ताने अमृताने सुरू केलेल्या या नव्या उपक्रमामुळे तिचे चाहतेही उत्साहित झाले असून, तिच्या या नव्या इनिंगला चांगला प्रतिसाद मिळण्याची शक्यता व्यक्त केली जात आहे.

Amruta Khanvilkar

जागतिक महिला दिनाच्या निमित्ताने मराठी मनोरंजन सृष्टीतील लोकप्रिय अभिनेत्री अमृता खानविलकर हिने आपल्या आयुष्यातील नव्या इनिंगला सुरुवात केली आहे.

अभिनय क्षेत्रात यश मिळवत असतानाच आता अमृताने उद्योजक इथे कडे पाऊल टाकत अमूल्य नावाचा स्वतःचा साडी ब्रँड सुरू केला आहे.

फॅशन आणि पारंपरिक साड्यांबद्दल असलेली आवड लक्षात घेऊन हा ब्रँड सुरू केल्याचा तिने सांगितलं. अमूल्य माझं बाळ आहे, माझ्यावर जितकं प्रेम केलं तितकं या बाळावरही कराल असं म्हणत तिने एक व्हिडिओ पोस्ट केला आहे.

अमृताच्या या साडी ब्रँडच नाव 'अमूल्य ' असं आहे. ती म्हणाली माझ्यासाठी साडी कधीच फक्त एक कपडा नव्हता. ती एक भावना आठवण आणि ओळख घेऊन येते.

लहानपणापासून मी महिलांना पाहत आले. साडीत त्यांची सुंदरता आणि ग्रेस पाहत मी मोठी झाले. हळूहळू या साड्यांची माझा एक वैयक्तिक संबंध तयार झाला.

या सगळ्या प्रवासात स्वतःच काहीतरी निर्माण करण्याची इच्छा झाली. लावण्य परंपराने उबदारपणा दर्शवणारा अमूल्य हा नावाप्रमाणेच अनमोल आहे.

हा केवळ फॅशन ब्रँड तयार करण्याचा प्रयत्न नसून साड्यांमध्ये दडलेला संस्कृतिक आणि भावनिक मूल्याचा मान राखण्याचा प्रयत्न आहे. अस अमृता म्हणाली.