Deepika Padukone Fitness : दीपिकासारखी टोन्ड फिगर हवीये? मग, जाणून घ्या तिचा डाएट आणि वर्कआऊट प्लॅन

Deepika Padukone Fitness : अभिनेत्री दीपिका पदुकोण बॉलिवूडमधील टॉप अभिनेत्रींपैकी एक आहे. अभिनयासोबतच दीपिकाचे फिटनेस आणि सौंदर्य देखील चर्चेत असते.

deepika_padukone

Deepika Padukone Fitness and Diet Plan: बॉलिवूड अभिनेत्री दीपिका पदुकोण (Deepika Padukone) तिच्या टोन्ड फिगरसाठी ओळखली जाते. आजघडीला लाखो तरुणी तिच्यासारखी फिगर मिळवण्यासाठी अनेक गोष्टी फॉलो करतात. मात्र, दीपिका स्वत:ला फिट (Deepika Padukone Fitness) ठेवण्यासाठी खूप मेहनत करते. केवळ वर्कआउटच नाही, तर दीपिका पदुकोण तिच्या डाएटबाबतही खूप सजग आहे. मीडिया रिपोर्ट्सनुसार, दीपिका पदुकोण तिच्या दिवसाची सुरुवात मध आणि लिंबाचा रस मिसळलेले एक ग्लास कोमट पाणी पिऊन करते.

दीपिका पदुकोण डाएट प्लॅन (Deepika Padukone Diet Plan)

न्याहारी (Breakfast) : न्याहारी अर्थात नाश्त्यामध्ये, दीपिकाला प्रथिनेयुक्त पदार्थ खायला आवडतात. तिच्या ब्रेकफास्टमध्ये अंड्याचा पांढरा भाग आणि एक ग्लास दुधाचा समावेश असतो. याशिवाय तिला दक्षिण भारतीय पदार्थही खूप आवडतात. 

दुपारचे जेवण (Lunch) : दुपारी दीपिका पदुकोण 2 चपात्या आणि कोणत्याही हंगामी भाज्या खाणे पसंत करते. दुपारच्या जेवणात ती कधी कधी ती ग्रील्ड फिशही खाते.

रात्रीचे जेवण (Dinner) : दीपिकाचे रात्रीचे जेवण बहुतेकदा हलके असते. मीडिया रिपोर्ट्सनुसार, तिच्या डिनरमध्ये भाज्यांचे सूप, चिकन सूप, उकडलेल्या भाज्या आणि भरपूर सॅलड समाविष्ट आहे.

Deepika Padukone like Badminton and dance : फिटनेससाठी योगा व्यतिरिक्त, दीपिका पदुकोण कार्डिओ व्यायाम, वेट ट्रेनिंग, पोहणे आणि चालणे तिच्या वर्कआऊट सेशनचा भाग म्हणून दररोज फॉलो करते. दीपिका पदुकोण ही बॅडमिंटनपटू देखील आहे, हे आपणा सर्वांना माहीत आहे. मात्र, चित्रपटांमध्ये काम केल्यानंतरही तिने बॅडमिंटन खेळणे सोडलेले नाही. हा खेळ दीपिकाला फिट ठेवण्यासाठी खूप मदत करतो. याशिवाय जेव्हा तिला जिममध्ये जाता येत नाही, तेव्हा दीपिका अर्धा तास डान्स करते.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha