Gehraiyaan Trailer : दीपिका पदुकोणचा पहिला ओटीटी चित्रपट, प्रेमाचा त्रिकोण दाखवणाऱ्या ‘Gehraiyaan’चा ट्रेलर पाहिलात का?

Gehraiyaan Trailer : दीपिका पदुकोण आणि सिद्धांत चतुर्वेदी पहिल्यांदाच पडद्यावर एकत्र दिसणार आहेत. एवढेच नाही तर यावेळी दोघेही रोमँटिक अंदाजात दिसणार आहेत.

Gehraiyaan

Gehraiyaan Trailer : बॉलिवूड अभिनेत्री दीपिका पदुकोण (Deepika Padukone) आणि अभिनेता सिद्धांत चतुर्वेदी (Siddhant Chaturvedi ) स्टारर चित्रपट ‘Gehraiyaan’चा ट्रेलर नुकताच प्रेक्षकांच्या भेटीला आला आहे. चित्रपटाच्या ट्रेलरमध्ये चार प्रमुख व्यक्तिरेखा दिसल्या आहेत. या व्यक्तिरेखांचे आयुष्य एकमेकांत गुंतलेले आहे.

चित्रपटाचा ट्रेलर दमदार आहे. यात दीपिका पदुकोण आणि सिद्धांत चतुर्वेदी यांच्यातील अनेक रोमँटिक सीन देखील दाखवण्यात आले होते. दीपिका पदुकोण, सिद्धांत चतुर्वेदी, अनन्या पांडे (Ananya Panday) आणि धैर्य करवा (Dhairya Karwa) व्यतिरिक्त या चित्रपटात नसीरुद्दीन शाह आणि रजत कपूर यांच्याही महत्त्वाच्या भूमिका आहेत.

 

Koo App

AMAZON UNVEILS ’GEHRAIYAAN’ TRAILER... #GehraiyaanTrailer, featuring #DeepikaPadukone, #SiddhantChaturvedi, #AnanyaPanday and #DhairyaKarwa... #Gehraiyaan premieres 11 Feb 2022 on #AmazonPrimeVideo. #Gehraiyaan is directed by #ShakunBatra. #GehraiyaanOnPrime #KaranJohar #Viacom18Studios https://youtu.be/Yy8SKJygKD4

View attached media content

- Taran Adarsh (@taran_adarsh) 20 Jan 2022

Viacom18 Studios आणि Dharma Productions द्वारे Jawska Films च्या संयुक्त विद्यमाने निर्मित, या चित्रपटाचा वर्ल्ड प्रीमियर 11 फेब्रुवारी 2022 रोजी होणार आहे. भारतातील, तसेच जगातील 240 देशांतील दर्शकांना Amazon Prime Video वर या चित्रपटाचा आनंद घेता येणार आहे.

पाहा ट्रेलर :

ट्रेलरची सुरुवात दीपिकापासून होते, ज्यामध्ये ती म्हणते की, मला घरात राहणे आवडत नाही. मला इथे अडकल्यासारखे वाटते. यानंतर तीचे तिच्याच बहिणीच्या प्रियकराशी प्रेमसंबंध असल्याची कहाणी समोर येते. या चित्रपटाची कथा एक रिलेशनशिप ड्रामा आहे, ज्यामध्ये आधुनिक नातेसंबंधांची कथा मांडण्यात आली आहे. या चित्रपटात दीपिकाने अनेक बोल्ड सीन्सही दिले आहेत.

Gehraiyaanचा ट्रेलर पाहिल्यानंतर चाहते खूपच प्रभावित झाले आहेत आणि सोशल मीडियावर वेगवेगळ्या प्रकारच्या प्रतिक्रिया देत आहेत. ट्रेलरमध्ये दीपिका पदुकोण आणि सिद्धांत चतुर्वेदी यांना पाहून प्रेक्षकदेखील खूश झाले आहेत. याआधी या चित्रपटाचे 6 पोस्टर्सही समोर आले होते, जे पाहून चाहत्यांमध्ये चित्रपटाबद्दलची उत्सुकता वाढली होती.

रणवीरसोबतही केलेय काम!

दीपिका पदुकोण आणि सिद्धांत चतुर्वेदी पहिल्यांदाच पडद्यावर एकत्र दिसणार आहेत. एवढेच नाही तर यावेळी दोघेही रोमँटिक अंदाजात दिसणार आहेत. सिद्धांत चतुर्वेदीने दीपिकाचा पती आणि बॉलिवूड स्टार रणवीर सिंगसोबत स्क्रीन शेअर केली आहे. सिद्धांतने रणवीर सिंगसोबत ‘गली बॉय’ या चित्रपटात काम केले होते. आता सिद्धांत दीपिका सोबत दिसणार असल्याने हा चित्रपट त्याच्यासाठी आणखी खास ठरणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha