एकेकाळी रद्दी विकून चालवलं घर, आज लाखोंमध्ये मानधन घेते ही चिमुरडी, कोट्यवधीमध्ये आहे संपत्ती
Actress Divyanka Tripathi Struggle : छोट्या पडद्यावरील मालिकांमुळे अनेक अभिनेत्रींना चांगलीच लोकप्रियता मिळाली. यातील बहुतांशी अभिनेत्रींना सुरुवातीच्या काळात स्ट्रगल करावा लागला होता.
Divyanka Tripathi Networth : टीव्ही इंडस्ट्रीमध्ये अशा अनेक अभिनेत्री आहेत ज्यांची नावे आणि पात्र प्रत्येक घराघरात प्रसिद्ध आहेत. प्रेक्षकांच्या मनावर छाप सोडत या अभिनेत्रींना चांगलीच लोकप्रियता मिळाली आहे. यातील बहुतांशी अभिनेत्रींना सुरुवातीच्या काळात खूप संघर्ष करावा लागला.
कधी काळी रद्दी विकून दिवस काढले...
छोट्या पडद्यावर सध्या सर्वाधिक मानधन घेणाऱ्या अभिनेत्रींपैकी असणारी अभिनेत्री दिव्यांका त्रिपाठीला (Divyanka Tripathi) आपल्या सुरुवातीच्या दिवसात चांगलाच संघर्ष करावा लागला होता. दिव्यांकाने त्या कठीण काळाचा धैर्याने सामना केला. दिव्यांकाचे नाव टीव्ही इंडस्ट्रीत सर्वाधिक मानधन घेणाऱ्या अभिनेत्रींच्या यादीत सामील झाले आहे. याचाच परिणाम म्हणजे आज दिव्यांका त्रिपाठी दररोज दीड लाख रुपये कमावते आणि अभिनेत्रीची संपत्तीही करोडोंमध्ये आहे.
एका मुलाखतीत दिव्यांकाने आपल्या स्ट्रगलच्या दिवसाची आठवण सांगितली होती. दिव्यांका त्रिपाठी म्हणाली होती, 'माझ्या आयुष्यात एक वेळ आली जेव्हा माझ्याकडे पैसे नव्हते आणि त्या दिवसात मी जे काही कमावले ते सोन्याचे नाणे विकत घ्यायचे. ज्यावेळी गरज वाटायची तेव्हा मी हे सोन्याचे नाणे विकून दिवस काढत असे. आयुष्यात मध्यंतरी एक काळ असा आला की मी रद्दी विकून खर्चासाठी पैसे जमवले.
लक्झरी आयुष्य जगतेय दिव्यांका त्रिपाठी
दिव्यांकाने म्हटले की, प्रत्येकाच्या आयुष्यात कठीण काळ येतो. त्यामुळेच माझ्या आयुष्यात कठीण काळ आला तेव्हा खचून न जाता धैर्याने सामोरे गेली. दिव्यांका त्रिपाठीने अभिनेता विवेक दहियासोबत लग्न केले. दिव्यांका ही सध्या लक्झरी आयुष्य जगत असून पती विवेकसह 4 बीएचके फ्लॅट मध्ये राहत आहे.
दिव्यांका त्रिपाठीने तिच्या करिअरमध्ये आतापर्यंत अनेक हिट शो दिले आहेत. 'ये है मोहब्बतें'मध्ये इशिता भल्लाची भूमिकेने ती घराघरात पोहचली. रिपोर्ट्सनुसार, दिव्यांका त्रिपाठीची एकूण संपत्ती 48 कोटी रुपये आहे. दिव्यांकाची कमाई ही टीव्ही मालिका आणि रिॲलिटी शोमधून येते. दिव्यांका ही प्रती दिवसाचे मानधन 1.5 लाख रुपये घेते. याशिवाय दिव्यांका ब्रँड प्रमोशनमधून ही चांगली कमाई करते.
महत्त्वाच्या बातम्या
ट्रेंडिंग न्यूज
