Ranveer Singh : रणवीर सिंगने शेअर केले '83' सिनेमाचे पोस्टर, ट्रेलर या दिवशी होणार प्रदर्शित

रणवीर सिंगने त्याच्या बहुप्रतिक्षित '83' चित्रपटाचे नवीन पोस्टर शेअर केले आहे.

83

Ranveer Singh 83 : रणवीर सिंगचा आगमी '83' सिनेमा 1983 च्या क्रिकेट विश्वचषकाच्या विजयावर आधारित आहे. प्रेक्षक या सिनेमाची प्रतिक्षा करत आहेत. '83' सिनेमात रणवीर सिंग माजी क्रिकेटपटू कपिल देवच्या भूमिकेत दिसणार आहे. नुकतेच रणवीरने त्याच्या आगामी सिनेमाचे पोस्टर शेअर केले आहे. पोस्टरमध्ये रणवीर सिंगसह सिनेमातील कलाकार ध्वज हातात घेऊन धावताना दिसत आहेत. 

गौहर खान, मुकेश छाब्रा, सबा अली खान, मनीष मल्होत्रा तसेच आणखी काही कलाकारांनीदेखील रणवीरने शेअर केलेल्या पोस्टरवर कमेंट केल्या आहेत. चाहतेदेखील पोस्टरववर कमेंट्सचा पाऊस पाडत आहेत. 

इंस्टाग्रामवर पोस्टर रणवीरने '83' सिनेमा प्रदर्शित होण्याची तारrख देखील जाहिर केली आहे. पोस्टर शेअर करत त्याने लिहिले आहे,"एकदा तरी यशाची चव चाखा - कपिल देव, 1983". 30 नोव्हेंबरला सिनेमाचा ट्रेलर प्रेक्षकांच्या भेटीला येणार आहे. हा सिनेमा हिंदी, तामिळ, तेलगू, कन्नड आणि मल्याळम भाषेत प्रदर्शित होणार आहे. 

'हे' स्टार चित्रपटात दिसणार 
कबीर खान अभिनीत '83' चित्रपट भारतीय क्रिकेट संघाच्या कथेवर आधारित आहे. टीम इंडियाने 1983 मध्ये वेस्ट इंडिजला हरवून आपला पहिला विश्वचषक जिंकला. रणवीर सिंग माजी क्रिकेटपटू कपिल देवच्या भूमिकेत दिसणार आहे. या चित्रपटात दीपिका पदुकोण, पंकज त्रिपाठी, बोमन इराणी, साकिब सलीम, हार्डी संधू, ताहिर राज भसीन, जतीन सरना यांच्याही भूमिका आहेत. दीपिका या चित्रपटाची सहनिर्मातीदेखील आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha