'हिंदुस्थान का शेर आ रहा है'; पृथ्वीराजचा टीझर प्रदर्शित, अक्षय कुमारचा रॉयल लूक चर्चेत

नुकताच अक्षयच्या 'पृथ्वीराज' या चित्रपटाचा टीझर प्रदर्शित झाला आहे. टीझरमधील अक्षयच्या डायलॉग्सने अनेकांचे लक्ष वेधले आहे. 

Prithviraj

Prithviraj Teaser Out : बॉलिवूडचा खिलाडी म्हणजेच अक्षय कुमार त्याच्या बिग बजेट चित्रपटांमुले नेहमी चर्चेत असतो. काही दिवसांपूर्वी अक्षयचा सूर्यवंशी हा चित्रपट प्रदर्शित झाला होता. हा चित्रपट सध्या बॉक्स ऑफिसवर धुमाकूळ घालत आहे. सूर्यवंशीमधील अक्षयच्या अभिनयाला प्रेक्षकांची पसंती मिळत आहे. नुकताच अक्षयच्या 'पृथ्वीराज' या चित्रपटाचा टीझर प्रदर्शित झाला आहे. टीझरमधील अक्षयच्या डायलॉग्सने अनेकांचे लक्ष वेधले आहे. 

पृथ्वीराज या चित्रपटाचा  1 मिनट 22 सेकंदांचा टीझर  नुकताच प्रदर्शित झाला आहे. या टीझरमध्ये अक्षयसोबतच  मिस वर्ल्ड मानुषी छिल्लर देखील दिसत आहे. मनुषीने या चित्रपटामधून बॉलिवूडमध्ये पदार्पण केले आहे. चित्रपटात मनुषी ही 'संयोगिता' या भूमिकेत दिसणार आहे. पृथ्वीराज या चित्रपटाचे दिग्दर्शन डॉ. चंद्रप्रकाश द्विवेदी यांनी केले आहे. या चित्रपटात संजय दत्त आणि सोनू सूद हे महत्वपूर्ण भूमिकेत दिसणार आहेत. चित्रपटाच्या निर्मात्यांनी 2019 मध्ये या चित्रपटाची घोषणा केली होती.  हा चित्रपट 22  जानेवारी 2022 रोजी प्रेक्षकांच्या भेटीस येणार आहे.  

2017 मध्ये मानुषीने मिस वर्ल्ड हा किताब जिंकला होता. आता तिच्या या चित्रपटातील अभिनय पाहण्यासाठी तिचे चाहते उत्सुक आहेत. अक्षय बॅक टू बॅक त्याच्या बिग बजेट चित्रपटांची घोषणा करत आहे. काही दिवसांपूर्वी अक्षयने  'OMG2'या चित्रपटाचे पोस्टर लॉंच केले होते. या चित्रपटाच्या पोस्टरमध्ये अक्षय भगवान शंकराच्या अवतारामध्ये दिसत आहे.  उज्जैनमध्ये या चित्रपटाच्या शुटिंगची सुरुवात करण्यात आलीय आहे. अक्षयच्या मिशन मंगल,गुड न्यूज, हाउसफुल 4 ,गोल्ड आणि रुस्तम या चित्रपटाने बॉक्सवर 100 कोटींपेक्षा जास्त कमाई केली.