Radhmika Vijay Wedding: विजय-रश्मिकाच्या लग्नाचा सुवर्णथाट! राजेशाही दिमाखात पौराणिक दागिन्यांचा लूक, तब्बल 300 दिवस चाललेलं काम
देशात सोन्याचे दर वाढलेले असताना या ‘विरोष’ जोडीने साकारलेला सुवर्णमय लूक चाहत्यांना अक्षरशः मंत्रमुग्ध करून गेला.
Rashmika vijay wedding Gold jwellery: उदयपूरच्या राजेशाही वातावरणात गुरुवारी विजय देवरकोंडा आणि रश्मिका मंदाना विवाहबंधनात अडकले, आणि त्यांच्या भव्य लग्नसोहळ्याइतकाच त्यांच्या ठसठशीत दागिन्यांचा विषय चर्चेचा ठरला. देशात सोन्याचे दर वाढलेले असताना या ‘विरोष’ जोडीने साकारलेला सुवर्णमय लूक चाहत्यांना अक्षरशः मंत्रमुग्ध करून गेला.
विजय देवरकोंडाने आपल्या खास दिवशी पारंपरिकतेला राजेशाही स्पर्श देत भरगच्च सोन्याचे दागिने परिधान केले.मोठे कानातील स्टड्स, मनगटावरील जाड कफ, दोन देखणे हार, पायातील कडे आणि करंगळीतील अंगठी या सर्वांनी त्याचा लूक वेगळाच उठावदार बनवला.
साधेपणातही दिमाख कसा असावा, याचं उत्कृष्ट उदाहरण विजयने साकारलं. तर नववधू रश्मिका मंदाना अक्षरशः सुवर्णालंकारांनी नटलेली दिसली. तिने तब्बल 11 दागिन्यांनी आपला वधू-श्रृंगार पूर्ण केला होता. चोकर, झुमके, जडा बिल्ला, चंपासराळू, हातफूल, माथापट्टी, नथ, बांगड्या, बाजूबंद, कंबरपट्टा आणि नाजूक पैंजण...प्रत्येक अलंकार तिच्या रूपाला अधिकच राजेशाही झळाळी देत होता.
या दिमाखदार आणि पारंपरिक अंदाजामुळे विजय-रश्मिकाच्या लग्नाचा सुवर्णथाट सोशल मीडियावर चांगलाच गाजत आहे. चाहत्यांकडून त्यांच्या या रॉयल वेडिंग लूकवर कौतुकाचा वर्षाव होत असून ‘विरोष’ जोडी पुन्हा एकदा चर्चेच्या केंद्रस्थानी आली आहे.
आजकाल अनेक जोडपी लग्नासाठी कमीत कमी दागिन्यांचा ट्रेंड स्वीकारताना दिसतात. मात्र विजय देवरकोंडा आणि रश्मिका मंदाना यांनी पारंपरिक वारसा जपणाऱ्या पौराणिक डिझाइनची निवड करत वेगळाच राजेशाही ठसा उमटवला.
SHREE Jewellers चे अभिषेक अग्रवाल आणि कौशिक कुमार यांनी सांगितले की या संपूर्ण दागिन्यांची निर्मिती पूर्ण होण्यासाठी तब्बल दहा महिने लागले.विजयच्या दागिन्यांमध्ये पौराणिक राजाच्या अधिकाराची झलक जाणवत होती. हत्ती आणि वाघ यांच्या प्रतिकांसह फुलांच्या नक्षीने सजलेले अलंकार त्याच्या व्यक्तिमत्त्वाला राजेशाही दिमाख देत होते.
पुरुषांचे दागिने सहसा हार आणि अंगठीपुरते मर्यादित असतात; पण विजयचा संपूर्ण लूक एका सार्वभौम राजाच्या उपस्थितीची अनुभूती देणारा ठरला.तर रश्मिकाचा वधू- शृंगारत एखाद्या देवीची आभा स्पष्टपणे जाणवत होती. तिच्या प्रत्येक दागिन्यात नाजूक आणि वैभवतेचा सुरेख मिलाफ दिसत होता.
हे सर्व अलंकार अँटिक लूकमध्ये तयार करण्यात आले असून ते पिढ्यान्पिढ्या टिकणारे ‘लेगसी पीसेस’ म्हणून केल्याचे डिझायनर्सनी स्पष्ट केले. डिझाइनची संकल्पना, अनेक फेऱ्यांच्या चर्चा, खास कस्टमायझेशन, निर्मिती, ट्रायल्स आणि अंतिम लूक साकारण्यापर्यंतचा संपूर्ण प्रवास दहा महिन्यांचा होता, असे त्यांनी सांगितले.
विजय आणि रश्मिकाचे समन्वय साधणारे वेडिंग आउटफिट्स प्रसिद्ध डिझायनर अनामिका खन्ना यांनी डिझाइन केले होते. नवदांपत्याने अद्याप प्री-वेडिंग सोहळ्यांचे फोटो शेअर केले नसल्याने चाहत्यांची उत्सुकता मात्र शिगेला पोहोचली आहे.
महत्त्वाच्या बातम्या
