Girish Oak On Sachin Pilgaonkar: 'ही चेहरा नसलेली माणसं...'; मराठी अभिनेते गिरिश ओक सचिन पिळगावकरांबाबत नेमकं काय म्हणाले?
Girish Oak On Sachin Pilgaonkar: कमेंट करणं, ट्रोल करणं हा रिकामटेकड्या लोकांचा उद्योग आहे. ही चेहरा नसलेली माणसं आहेत. त्यांना काही काम नाही म्हणून ते रिअॅक्ट करतात, असं गिरिश ओक म्हणाले.
Girish Oak On Sachin Pilgaonkar: मराठी मनोरंजनविश्वात (Marathi Industry) 'महागुरू' म्हणून ओळखले जाणारे सचिन पिळगांवकर (Sachin Pilgounkar) त्यांच्या काही आठवणी मुलाखतींमध्ये सांगत असतात. अगदी बालवयातच त्यांनी सिनेसृष्टीत काम करायला सुरुवात केली. अभिनेते, दिग्दर्शक, निर्माते, गायक, डान्सर म्हणून ओळखले जाणारे सचिन पिळगांवकर यांनी हिंदी, मराठीतील अनेक सिनेमांमध्ये मोलाची भूमिका साकारली. त्यांनी 'नदिया के पार', 'बालिका वधू', 'पारध', 'बचपन', 'ब्रह्मचारी', 'सत्ते पे सत्ता' यांसारख्या बॉलिवूड सिनेमांमध्ये झळकले. तर, 'अशीही बनवा बनवी', 'नवरा माझा नवसाचा', 'आयत्या घरात घरोबा' यांसारख्या अनेक मराठी सिनेमांमध्ये काम केलंय. अनेकदा मुलाखतींमध्ये ते आपले अनुभव शेअर करताना दिसतात. त्यावरुन त्यांना बऱ्याचदा ट्रोलिंगचा सामना करावा लागतो. अशातच आता सचिन पिळगावकरांच्या ट्रोलिंगवर एका प्रसिद्ध मराठी अभिनेत्यानं वक्तव्य केलं आहे. नुकत्याच लोकमत फिल्मीला दिलेल्या मुलाखतीत बोलताना गिरीश ओक (Girish Oak) यांनी कलाकारांच्या ऑनलाइन ट्रोलिंगबद्दल बोलताना सचिन पिळगावकर (Actor Sachin Pilgaonkar) यांना ट्रोल करणाऱ्यांना झाप झाप झापलंही आहे.
मराठी अभिनेते गिरिश ओक सचिन पिळगावकरांबाबत म्हणाले की, "कमेंट करणं, ट्रोल करणं हा रिकामटेकड्या लोकांचा उद्योग आहे. ही चेहरा नसलेली माणसं आहेत. त्यांना काही काम नाही म्हणून ते रिअॅक्ट करतात. वाईट कमेंट करणाऱ्या लोकांमुळे एखादा माणूस खूप डिस्टर्बही होऊ शकतो. दोनशे वाईट आणि एखादी चांगली कमेंट असते..."
पुढे बोलताना गिरीश ओक म्हणाले की, "आता ज्याप्रकारे सचिन पिळगावकरांबद्दल जे ट्रोलिंग सुरू आहे... काय आहे ते... तो माणूस वयाच्या सातव्या वर्षापासून काम करतोय. त्याच्या आयुष्यात असे अनुभव आलेले असणारच. त्याला तुम्ही काय बोलताय... त्याची खरंच ओळख होती... मीना कुमारीशी, संजीव कुमारशी होती. सगळ्यांशी त्याची ओळख होती. असे अनुभवही आहेत. पण तुम्ही चेष्टाच करायची ठरवली आहे तर वाटेल ते बोलायला लागले आहेत..."
"त्याचं वय, त्याचा अनुभव काहीही न बघता तुम्ही ट्रोलिंग करायला लागता. तुम्हाला एक नागरिक म्हणून काहीच वाटत नाही का? असं कोणी कसं काय करू शकतो? पण या ट्रोल करणाऱ्या लोकांना कळत नाही की खरंच एखादी व्यक्ती जर भावनिक असेल तर काय होऊ शकतं...यांच्या ट्रोलिंगमुळे काहीतरी विचित्रही घडू शकतं", पुढे बोलताना असं गिरीश ओक म्हणाले.
महत्त्वाच्या इतर बातम्या :
महत्त्वाच्या बातम्या
