Salaar Release Date : प्रतीक्षा संपली! प्रभासचा 'सालार' 'या' दिवशी येणार प्रेक्षकांच्या भेटीला

Prabhas : दाक्षिणात्य सुपरस्टार प्रभासचा 'सालार' हा सिनेमा लवकरच प्रेक्षकांच्या भेटीला येणार आहे.

Prabhas

Prabhas Salaar Movie Release Date : दाक्षिणात्य सुपरस्टार 'प्रभास' (Prabhas) सध्या त्याच्या 'आदिपुरुष' (Adipurush) या सिनेमामुळे चर्चेत आहे. दरम्यान त्याच्या आगामी 'सालार' (Salaar) या सिनेमाची रिलीज डेटदेखील आता समोर आली आहे. 'सालार' या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. लवकरच हा सिनेमा प्रेक्षकांच्या भेटीला येणार आहे.

'सालार' कधी होणार प्रदर्शित? (Salaar Release Date)

प्रभासचा बहुचर्चित 'सालार' हा सिनेमा 28 सप्टेंबर 2023 रोजी सिनेमागृहात प्रदर्शित होणार आहे. सिनेमाची रिलीज डेट जाहीर करत निर्मात्यांनी एक व्हिडीओ शेअर केला आहे. या व्हिडीओमध्ये प्रभास खतरनाक अंदाजात दिसत आहे. व्हिडीओ शेअर करत निर्मात्यांनी लिहिलं आहे,"28 सप्टेंबर 2023 रोजी एक हिंसक व्यक्ती प्रेक्षकांच्या भेटीला येणार आहे. तुमची झोप उडवण्यासाठी तो सज्ज आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Salaar (@salaarthesaga)

'सालार 2' लवकरच येणार प्रेक्षकांच्या भेटीला!

'सालार' या सिनेमाच्या दिग्दर्शनाची धुरा प्रशांत नीलने सांभाळली आहे. याआधी प्रशांतने 'केजीएफ चॅप्टर 1' आणि 'केजीएफ चॅप्टर 2' सारख्या ब्लॉकबस्टर सिनेमांचं दिग्दर्शन केलं आहे. 'सालार' या सिनेमानंतर 'सालार 2' हा सिनेमा प्रेक्षकांच्या भेटीला येणार आहे. अद्याप निर्मात्यांनी यासंदर्भात अधिकृत घोषणा केलेली नाही.  

'सालार'ने रिलीजआधीच मोडला 'RRR'चा रेकॉर्ड

प्रभासच्या 'सालार'ने रिलीजआधीच ऑस्कर विजेच्या 'आरआरआर' (RRR) या सिनेमाचा रेकॉर्ड मोडला आहे. 100 कोटींमध्ये या सिनेमाचे परदेशी राइट्स विकले गेले आहेत. 'सालार' या सिनेमाची घोषणा झाल्यापासून सिनेप्रेमी आणि प्रभासचे चाहते या सिनेमाची प्रतीक्षा करत आहेत. लवकरच हा सिनेमा प्रेक्षकांच्या भेटीला येणार आहे. 

प्रभाससाठी 2023 खूपच खास!

प्रभासचा 'आदिपुरुष' (Adipurush) आणि 'प्रोजेक्ट के' (Project K) हे सिनेमे लवकच प्रेक्षकांच्या भेटीला येणार आहेत. 'आदिपुरुष' या सिनेमात प्रभास क्रिती सेनन आणि सैफ अली खानसोबत झळकणार आहे. दाक्षिणात्य सुपरस्टार प्रभाससाठी हे वर्ष खूपच खास आहेत. यावर्षात त्याचे तीन बिग बगेट सिनेमे प्रेक्षकांच्या भेटीला येणार आहेत. 'बाहुबली' (Baahubali) या सिनेमामुळे प्रभासची लोकप्रियता चांगलीच वाढली होती. जगभरात त्याचा मोठा चाहतावर्ग आहे. आता त्याच्या आगामी सिनेमाची चाहत्यांना उत्सुकता आहे. 

संबंधित बातम्या