Get Well Soon शाहरुख; ममता बॅनर्जींनी ट्वीट करत किंग खानसाठी केली प्रार्थना

Mamata Banerjee : शाहरुख खानला कोरोनाची लागण झाल्यानंतर पश्चिम बंगालच्या मुख्यमंत्री ममता बॅनर्जी यांनी ट्वीट केलं आहे.

shahrukh khan

Mamata Banerjee On SRK : बॉलिवूड अभिनेता शाहरुख खानला (Shahrukh Khan) दुसऱ्यांदा कोरोनाची लागण झाली आहे. अशातच पश्चिम बंगालच्या मुख्यमंत्री ममता बॅनर्जी (Mamata Banerjee) यांनी ट्वीट करत शाहरुख लवकर बरा व्हावा यासाठी प्रार्थना केली आहे. याआधी पठाण सिनेमाच्या शूटिंगदरम्यान शाहरुखला कोरोनाची लागण झाली होती. 

ममता बॅनर्जी यांनी केले ट्वीट

ममता बॅनर्जी यांनी ट्वीट करत लिहिले आहे,"आमच्या ब्रॅंड
अॅम्बेसेडर शाहरुख खानला कोरोनाची लागण झाली आहे. शाहरुखची तब्येत लवकर सुधारावी यासाठी प्रार्थना करा". सध्या शाहरुख त्याच्या घरीच विलगीकरणात आहे. शाहरुखसह अनेक बॉलिवूड सेलिब्रिटींना कोरोनाची लागण झाली आहे. 

करण जोहरची बर्थडे पार्टी कोरोना स्प्रेडर 

करण जोहरची बर्थडे पार्टी कोरोना स्प्रेडर असल्याचे म्हटले जात आहे. करण जोहरच्या बर्थडे पार्टीत सहभागी झालेल्या आदित्य रॉय कपूर, कार्तिक आर्यन, कतरिना कैफ आणि शाहरुख खान या सेलिब्रिटींना कोरोनाची लागण झाली आहे. पण कतरिना कैफ आता कोरोनामुक्त झाली आहे. 

Just came to know that our Brand Ambassador Shahrukh Khan has been detected covid positive. Pray fastest recovery for the superstar. Get well Shahrukh! Spring back asap!

— Mamata Banerjee (@MamataOfficial) June 5, 2022

'या' कलाकारांनी करण जोहरच्या बर्थडे पार्टी लावली होती हजेरी

अनन्या पांडे, फराह खान, अभिषेक बच्चन, ऐश्वर्या राय, ह्रतिक रोशन, जुही चावला,विकी कौशल, सलमान खान, काजोल, राणी मुखर्जी, करीना कपूर,कियारा आडवाणी, जाह्नवी कपूर,शाहरुख खान आणि मलयाका आरोरा यांसारख्या अनेक बॉलिवूडमधील कलाकारांनी करण जोहरच्या पार्टीला हजेरी लावली होती. 

'जवान'चा टीझर रिलीज

शाहरुख खानने पत्नी गौरी खान आणि मुलगा आर्यनसोबत करण जोहरच्या बर्थडे पार्टीला हजेरी लावली होती. शाहरुखचे सध्या अनेक प्रोजेक्ट पाईपलाईनमध्ये आहेत. शाहरुखने 3 जूनला त्याच्या आगामी 'जवान' सिनेमाचा टीझर सोशल मीडियावर शेअर केला होता. या सिनेमाच्या पोस्टरमध्ये शाहरुख जखमी दिसत आहे. या सिनेमात शाहरुख दाक्षिणात्य अभिनेत्री नयनतारासोबत दिसणार आहे. 

संबंधित बातम्या