Fighter: 'फायटर'मध्ये हृतिक साकारणार 'ही' भूमिका; दीपिकाच्या भूमिकेबाबत सिद्धार्थ आनंद म्हणाला...

फायटर (Fighter) या चित्रपटामध्ये अभिनेत्री दीपिका पादुकोण (Deepika Padukone) आणि अभिनेता हृतिक रोशन (Hrithik Roshan) हे प्रमुख भूमिका साकारणार आहेत.

Deepika Padukone,Hrithik Roshan,Siddharth Anand

Fighter : दिग्दर्शत सिद्धार्थ आनंदच्या (Siddharth Anand) आगामी चित्रपटांची प्रेक्षक उत्सकतेने वाट बघत आहेत. सिद्धार्थच्या पठाण (Pathaan) या चित्रपटानं बॉक्स ऑफिसवर रेकॉर्ड ब्रेक कमाई केली. त्याच्या वॉर या चित्रपटाला प्रेक्षकांची पसंती मिळाली. आता सिद्धार्थचा फायटर (Fighter) हा चित्रपट प्रेक्षकांच्या भेटीस येणार आहे. या चित्रपटामध्ये अभिनेत्री दीपिका पादुकोण (Deepika Padukone) आणि अभिनेता हृतिक रोशन (Hrithik Roshan) हे प्रमुख भूमिका साकारणार आहेत. एका मुलाखतीमध्ये सिद्धार्थ आनंदनं दीपिका आणि हृतिकच्या भूमिकेबाबत माहिती दिली. 

हृतिक आणि दीपिका साकारणार हवाई दलाच्या अधिकाऱ्यांची भूमिका

हृतिक आणि दीपिका हे फायटर या चित्रपटामध्ये हवाई दलाच्या अधिकाऱ्यांची भूमिका साकारणार आहेत, असं सिद्धार्थने एका मुलाखतीमध्ये सांगितलं. हा चित्रपट जानेवारी 2024 मध्ये प्रेक्षकांच्या भेटीस येणार आहे. 

दीपिकाच्या भूमिकेबाबत सिद्धार्थ आनंदने एका मुलाखतीमध्ये सांगितलं की, "दीपिका ही फायटर चित्रपटात हवाई दलाच्या अधिकाऱ्याची भूमिका साकारत आहे. ती हवाई दलाच्या एलिट युनिटचा एक भाग आहे. ही अशी भूमिका आहे जी तिने यापूर्वी साकारली नाही. प्रामाणिकपणे सांगायचं झालं तर, ही भूमिका तिच्यासारखीच आहे. ती सेटवर खूप मजा-मस्ती करते. दीपिका ही हृतिकच्या भूमिकेला चांगली टक्कर देईल."

फायटर या चित्रपटात अनिल कपूर हे देखील महत्वाची भूमिका साकारणार आहेत. हा चित्रपट 30 सप्टेंबर 2023 रोजी प्रेक्षकांच्या भेटीस येणार होता. पण आता या चित्रपटाची रिलीज डेट बदलून 25 जानेवारी 2024 करण्यात आली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Hrithik Roshan (@hrithikroshan)

दीपिकाचे आगामी चित्रपट

दीपिकाचा 'पठाण' (Pathaan) हा सिनेमा ब्लॉकबस्टर ठरला. जगभरातील प्रेक्षकांची या चित्रपटाला पसंती मिळाली. आता दीपिकाच्या आगामी चित्रपटांची प्रेक्षक उत्सुकतेने वाट बघत आहेत.  दीपिका ही फायटर चित्रपटाबरोबरच प्रोजेक्ट के (Project K) या चित्रपटामधून प्रेक्षकांच्या भेटीस येणार आहे. या चित्रपटात अमिताभ बच्चन (Amitabh Bachchan) आणि प्रभास (Prabhas) हे देखील प्रमुख भूमिका साकारणार आहेत. प्रोजेक्ट के चित्रपटात अभिनेत्री दिशा पाटनी (Disha Patani) देखील काम करणार आहे, असंही म्हटलं जात आहे.