Dasara Box Office Collection : चार दिवसात दणक्यात कमाई पण पाचव्या दिवशी जोरदार आपटला नानीचा 'दसरा'; जाणून घ्या बॉक्स ऑफिस कलेक्शन...

Dasara : 'दसरा' हा सिनेमा बॉक्स ऑफिसवर आपली जादू दाखवण्यात कमी पडला आहे.

Dasara

Dasara Box Office Collection : दाक्षिणात्य सिनेसृष्टीत आपल्या सटल अभिनयासाठी ओळखला जाणारा अभिनेता नानीचा (Nani Keerthy) 'दसरा' (Dasara) हा सिनेमा सिनेमागृहात प्रदर्शित झाला आहे. रिलीजच्या पहिल्या दिवसापासून या सिनेमाने बॉक्स ऑफिसवर धुमाकूळ घातला आहे. पण आता सोमवारी रिलीजच्या पाचव्या दिवशी हा सिनेमा बॉक्स ऑफिसवर आपली जादू दाखवण्यात कमी पडला आहे. 

'दसरा'चं पाचव्या दिवशीचं बॉक्स ऑफिस कलेक्शन जाणून घ्या... (Dasara Box Office Collection Day 5) 

'दसरा' हा नानीचा सिनेमा प्रेक्षकांच्या पसंतीस उतरला आहे. नानी आणि किर्ती सुरेशची केमिस्ट्री प्रेक्षकांना आवडली आहे. हा दाक्षिणात्य सिनेमा भारतीय सिनेरसिकांना भावला आहे. सिनेमाचा विषय आणि आशय खरंच विचार करायला लावणारा आहे. विकेंडला या सिनेमाने चांगली कमाई केली आहे. पण रिलीजच्या पहिल्या सोमवारी हा सिनेमा बॉक्स ऑफिसवर जोरदार आपटला आहे. या सिनेमाने सोमवारी फक्त चार कोटींची कमाई केली आहे. आतापर्यंत या सिनेमाने 61.5 कोटींचा गल्ला जमवला आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

'दसरा' या सिनेमाच्या दिग्दर्शनाची धुरा श्रीकांत ओडेलाने सांभाळली आहे. या सिनेमात नानी, किर्ती सुरेश आणि दीक्षित शेट्टी मुख्य भूमिकेत आहेत. हा सिनेमा वीरापल्ली या गावातील एका गोष्टीवर आधारित आहे. लक्ष्मी वेकंटेश्वरने या सिनेमाची निर्मिती केली आहे. संतोष नारायणनने या सिनेमाचं संगीत केलं आहे. 

'दसरा'ने केली कोट्यवधींची कमाई!

एका रिपोर्टनुसार, 'दसरा' या सिनेमाची निर्मिती 65 कोटींमध्ये करण्यात आली आहे. तर या चित्रपटाचे डिजिटल आणि थिएटर राइट्स 29 कोटी आणि 48 कोटीमध्ये विकले गेले आहेत. त्यामुळे आता रिलीज आधीच या चित्रपटाला 12 कोटींचा नफा झाला. ओपनिंग डेला या चित्रपटानं 23 कोटींची कमाई केली. 

दसरा हा टीझर पाहिल्यानंतर एस.एस राजामौली (S. S. Rajamouli) इम्प्रेस झाले. एस. एस. राजामौली यांनी ट्वीट शेअर करुन 'दसरा' चित्रपटाच्या टीझरचं कौतुक केलं आहे. 'दसरा' चित्रपटाच्या टीझरमधील व्हिजुअल्स अप्रतिम आहेत. यामधील अभिनेता नानीचा मेकओवर इम्प्रेसिव्ह आहे. एक डेब्यू डायरेक्टर एवढं अप्रतिम काम करत आहे, हे पाहून आनंद झाला. चित्रपटाच्या टीमला शुभेच्छा.' असं त्यांनी ट्वीटमध्ये लिहिलं.

संबंधित बातम्या