Arbaz Patel in Bigg Boss Marathi season 5 : स्प्लिट्सविलामधील स्पर्धक बिग बॉस गाजवणार, अरबाज पटेल ठरणार का इतरांवर वरचढ?
Arbaz Patel in Bigg Boss Marathi season 5 : स्प्लिट्सविला फेम अरबाज पटेलने बिग बॉसच्या घरात एन्ट्री केली आहे.
Arbaz Patel in Bigg Boss Marathi season 5 : एमटिव्हीवर प्रसिद्ध कार्यक्रम स्प्लिट्सविलाच्या 15 व्या सिझनमधून अरबाज पटेल (Arbaz Patel) हा प्रसिद्धीझोतात आला. त्यानंतर आता अरबाजने बिग बॉसच्याही घरात (Bigg Boss Marathi Season 5) एन्ट्री केली आहे. त्यामुळे आता तो बिग बॉसच्या घरात खेळासाठी स्ट्रॅटेजी कशी करणार याची उत्सुकता त्याच्या चाहत्यांना लागून राहिली आहे.
कलर्स मराठी वाहिनीकडून शेअर करण्यात आलेल्या एका प्रोमोमुळे अरबाजच्या नावाची चर्चा सुरु झाली होती. पण आता बिग बॉसच्या घरात त्याने केलेल्या एन्ट्रीमुळे नेटकऱ्यांचा देखील अंदाज खरा ठरला आहे. त्यामुळे आता त्याला बिग बॉसच्या घरात खेळताना पाहायला नेटकरी देखील बरेच उत्सुक असल्याचं पाहायला मिळतंय.
अरबाज पटेल कोण?
एमटिव्हीच्या स्प्लिट्सविला या कार्यक्रमात अरबाज झळकला होता. तो सिझन 15 मध्ये सहभागी झाला होता. या सिझनमध्ये अरबाज चांगलाच चर्चेत आला होता. त्यानंतर आता तो बिग बॉसच्याही घरात गेला आहे. अरबाजचे अनेक म्युझिक अल्बम देखील प्रेक्षकांच्या भेटीला आले आहेत. आता अरबाजला बिग बॉसच्या घरात पाहून त्याच्या चाहत्यांनाही सुखद धक्का बसला आहे.
प्रत्येक आठवड्यात झटका आणि मनोरंजनाचा धमाका
मराठी मनोरंजनाचा बाप... ज्याची वाट अख्खा महाराष्ट्र बघतो... सुरु व्हायच्या आधीच ज्याच्या बद्दलच्या चर्चेला उधाण येतं, असा आपल्या सगळ्यांचा आवडता कार्यक्रम 'बिग बॉस मराठी' अखेर सुरु झाला आहे. तारीख जाहीर झाल्याने यंदा स्पर्धक 'बिग बॉस मराठी'च्या घरात कशी धूम करणार याकडे सर्वांचंच लक्ष लागलंय. ‘बिग बॉस मराठी'चं बिगुल आता वाजलं आणि स्पर्धकांच्या करामतींचा आता कस कसा लागेल हे पाहणं उत्सुकतेचं ठरणार आहे. प्रत्येक आठवड्यात लागेल झटका, आणि रंगणार मनोरंजनाचा धमाका. अशक्य अशा गोष्टींनी बनलेला 'बिग बॉस मराठी'चा नवा सीझन प्रेक्षकांच्या भेटीसाठी आता सज्ज आहे. घरातील मजा, मस्ती, डाव , प्रतिडाव आणि नव्या होस्टची कमाल अशा साऱ्याच गोष्टी पाहण्याची , अनुभवण्याची प्रेक्षकांना उत्सुकता आहे.
View this post on Instagram
ही बातमी वाचा :
महत्त्वाच्या बातम्या
