![ABP Premium](https://cdn.abplive.com/imagebank/Premium-ad-Icon.png)
Prithviraj: ‘या’ दिवशी रिलीज होणार अक्षय कुमारचा ‘पृथ्वीराज’, मानुषी छिल्लरसह कलाकारांचा फर्स्ट लूक प्रदर्शित!
Prithviraj First Look: ‘पृथ्वीराज’ या चित्रपटात अक्षय ‘पृथ्वीराज चौहान’ यांची भूमिका साकारत आहे, तर मानुषी छिल्लर (Manushi Chhillar) राजकुमारी संयोगिताची भूमिका साकारत आहे. मानुषीचा हा बॉलिवूड डेब्यू चित्रपट आहे.
![Prithviraj: ‘या’ दिवशी रिलीज होणार अक्षय कुमारचा ‘पृथ्वीराज’, मानुषी छिल्लरसह कलाकारांचा फर्स्ट लूक प्रदर्शित! Akshay Kumar and Manushi Chhillar starrer Prithviraj release date and first look reveled Prithviraj: ‘या’ दिवशी रिलीज होणार अक्षय कुमारचा ‘पृथ्वीराज’, मानुषी छिल्लरसह कलाकारांचा फर्स्ट लूक प्रदर्शित!](https://feeds.abplive.com/onecms/images/uploaded-images/2022/02/10/03b5576646929fd96461523cff7da786_original.jpg?impolicy=abp_cdn&imwidth=1200&height=675)
Akshay Kumar Movie : बॉलिवूडचा ‘खिलाडी’ अक्षय कुमारच्या (Akshay Kumar) ‘पृथ्वीराज’ (Prithviraj) या चित्रपटाच्या प्रदर्शनाची तारीख जाहीर करण्यात आली आहे. हा चित्रपट यावर्षी 10 जून रोजी थिएटरमध्ये प्रदर्शित होणार आहे. चित्रपटाच्या प्रदर्शनाच्या तारखेच्या घोषणेसोबतच कलाकारांचे फर्स्ट लूकही रिलीज करण्यात आले आहेत. या चित्रपटात अक्षय कुमार महान सम्राट ‘पृथ्वीराज चौहान’ यांची भूमिका साकारत आहे. अक्षयचा हा लूक खूपच दमदार आहे.
सोशल मीडियावर चित्रपटातील कलाकारांचे फर्स्ट लूक शेअर करताना अक्षय कुमारने लिहिले की, ‘महान सम्राटाची पुण्य आठवण 10 जूनपासून रुपेरी पडद्यावर.’
पाहा पोस्ट :
मानुषी छिल्लर दिसणार 'संयोगिता'च्या भूमिकेत
या चित्रपटात अक्षय ‘पृथ्वीराज चौहान’ यांची भूमिका साकारत आहे, तर मानुषी छिल्लर (Manushi Chhillar) राजकुमारी संयोगिताची भूमिका साकारत आहे. मानुषीचा हा बॉलिवूड डेब्यू चित्रपट आहे. डॉ. चंद्रप्रकाश द्विवेदी दिग्दर्शित या चित्रपटात अक्षय कुमार, संजय दत्त (Sanjay Dutt), मानुषी छिल्लर आणि सोनू सूद (Sonu Sood) हे कलाकार आपले दमदार अभिनय कौशल्य दाखवणार आहेत. या चित्रपटात सोनू सूदने महाकवी ‘चंद बरदाई’ यांची भूमिका साकारली आहे. ते ‘पृथ्वीराज रासौ’ या प्रसिद्ध हिंदी ग्रंथाचे लेखक होते.
या चित्रपटात संजय दत्त ‘काका कान्हा’च्या भूमिकेत दिसणार आहे, जे डोळ्यांवर पट्टी बांधून लढायचे. चांद बरदाईंच्या ‘पृथ्वीराज रासौ’मध्ये घग्गर नदीच्या युद्धातील पृथ्वीराज चौहान आणि काका कान्हाच्या युद्ध वर्णनाशी संबंधित एका काव्याचा उल्लेख आहे. 2019 मध्ये, मेर्कसनी हा चित्रपट बनवण्याचे जाहीर केले होते. आता तब्बल तीन वर्षांनी हा चित्रपट प्रदर्शित होणार आहे.
हेही वाचा :
- Yami Gautam : 'A Thursday' सिनेमाचा टीझर आऊट, यामी गौतमचा अनोखा अंदाज
- Sam Fernandes : सिनेनिर्माते सॅम फर्नांडिसने आदित्य पांचोली विरोधात केली तक्रार दाखल
- कौतुकास्पद! सोनू सूदनं अपघातात जखमी झालेल्या तरूणाची केली मदत, मोठा अनर्थ टळला
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)