देवाचं रूप अन् डोळ्यांत क्रोध; 'डाळिंब'चा फर्स्ट लूक रिलीज, पंचायत फेम कलाकारासोबत मराठी अभिनेत्री शेअर करणार स्क्रीन

Jitendra Kumar dark role in DalimB film: 'होळी ही खरंतर एक वॉर्निंग आहे' जितेंद्र कुमार, प्रिया बापट यांच्या 'डाळिंब' चित्रपटाचा पोस्टर रिलीज.

Holi Turns Into a Warning in DalimB

Source : Canva

Holi Turns Into a Warning in DalimB: प्रेक्षकांची सध्या भयपट, सस्पेन्स, थ्रिलर चित्रपटांकडे पसंती वळत आहे. तुंबाड, कांतारासारख्या सिनेमांना प्रेक्षकांकडून भरभरुन प्रतिसाद मिळाला.  आता लवकरच डाळिंब हा  सिनेमा प्रेक्षकांच्या भेटीस येणार आहे.  या थरारक सिनेमाचा फर्स्ट लूक समोर आला आहे. या चित्रपटात जितेंद्र कुमार आणि प्रिया बापट मुख्य भूमिकेत दिसणार आहे. डाळिंब सिनेमाच्या फर्स्ट लूकमध्ये जितेंद्र कुमार भयावह लूकमध्ये दिसत आहे. प्रिया बापटने तिच्या  आगामी सिनेमाचा पोस्टर सोशल मीडियात  शेअर केला आहे.   तिनं पोस्टर शेअर करत लक्षवेधी कॅप्शन दिलं आहे. 'होळी फक्त रंगाचा सण नाही, तर एक वॉर्निंग आहे', असं कॅप्शन देत तिनं पोस्ट इन्स्टाग्रामवर शेअर केली आहे. डाळिंब या  चित्रपटात नक्कीच वेगळी कथा पाहायला मिळेल. पोस्टर पाहून चाहत्यांनी चित्रपट पाहण्याची उत्सुकता दर्शवली आहे.

पंचायत रिलीज झाल्यापासून अभिनेता जितेंद्र कुमार प्रकाशझोतात आला. त्यानं शुभ मंगल ज्यादा सावधान या चित्रपटात आयुष्मान खुरानासोबत स्क्रीन शेअर केली होती.  तो लवकरच डाळिंब चित्रपटात मुख्य भूमिका साकारणार आहे. त्याला वेगळ्या लूकमध्ये पाहून चाहते आश्चर्यचकित  झाले. या सिनेमात मराठी अभिनेत्री प्रिया बापट मुख्य भूमिका साकारणार आहे.  नाटक, मालिका आणि सिनेमांनंतर प्रिया बापट आता हिंदी विश्वात कल्ला करण्यास सज्ज झाली आहे.  तिनं डाळिंबचा फर्स्ट लूक शेअर केला आहे. हा सिनेमा आपल्याला झी 5 या ओटीटी प्लॅटफॉर्मवर पाहता येणार आहे. 

जितेंद्र कुमार, प्रिया बापट याव्यतिरिक्त या सिनेमात क्षितिज दाते, कविन दवे, साई प्रसाद, हरीश कुलकर्णी आणि सागर यादव  यांच्याही भूमिका आहेत. डाळिंब या चित्रपटाचे लेखन आणि दिग्दर्शन प्रिया एवेनने केलं आहे.  तर, या चित्रपटाचे डायलॉग्स वरद भटनागर यांनी लिहिले आहे. तनुज गर्ग आणि अतुल कसबेकर निर्मित हा सिनेमा लवकरच प्रेक्षकांच्या भेटीस येईल. Elipsis Entertainmentच्या बॅनरखाली हा चित्रपट तयार करण्यात आला आहे.  

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Priya Bapat (@priyabapat)

जितेंद्र कुमार यांनी डाळिंब चित्रपटाचे पोस्टर शेअर करुन सोशल मीडियावर खळबळ उडवून दिली आहे.  त्यानं पोस्टर शेअर करुन कॅप्शन दिलं आहे की, 'रंगांमध्ये लपलेले एक रहस्य..  कधीच दिसत नाही.  या होळीला, रंग उत्सव नाहीत.. तर एक इशारा आहे. #DALIMB. लवकरच येत आहे. फक्त #ZEE5वर.  या चित्रपटाच्या प्रदर्शनाची तारीख अद्याप समोर आलेली नाही. परंतु, हा सिनेमा याच वर्षी ओटीटी प्लॅटफॉर्मवर रिलीज होईल.