महाराष्ट्रात प्रेम प्रकरणातून जीव घ्यायचं अन् जीवन संपवण्याचं सत्र, तीन दिवसांत 5 मृत्यू
Maharashtra Crime News : महाराष्ट्रात गेल्या काही दिवसांत प्रेम प्रकरणातून आत्महत्या करण्याचं किंवा हत्या करण्याचं सत्र सुरु आहे. छत्रपती संभाजीनगरमध्ये (Chhatrapati Sambhajinagar) मुलीने दुसऱ्या जातीतील मुलासोबत लग्न केल्याचा राग मनात धरुन बापाने आपल्या जावयाला धारदार शस्त्राने वार करुन संपवलं.
Maharashtra Crime News : महाराष्ट्रात गेल्या काही दिवसांत प्रेम प्रकरणातून आत्महत्या करण्याचं किंवा हत्या करण्याचं सत्र सुरु आहे. छत्रपती संभाजीनगरमध्ये (Chhatrapati Sambhajinagar) मुलीने दुसऱ्या जातीतील मुलासोबत लग्न केल्याचा राग मनात धरुन बापाने आपल्या जावयाला धारदार शस्त्राने वार करुन संपवलं. त्यानंतर प्रेम प्रकरणातून उरणमधील तरुणीला तिच्या प्रियकराने संपवल्याची घटना घडली. त्यामुळे संपूर्ण महाराष्ट्रातून संताप व्यक्त करण्यात येत होता. दरम्यान, त्यानंतर प्रेम प्रकरणातूनच साताऱ्यामध्ये (Satara) तरुणीने जीवन संपवल्याची घटना घडलीये.
दुसऱ्याशी प्रेमसंबंध असल्याचा संशय, प्रियकराने प्रेयसीला इमारतीवरून ढकलून दिलं
दुसऱ्याशी प्रेमसंबंध असल्याचा संशय घेत साताऱ्यातील प्रियकराने प्रेयसीला इमारतीवरून ढकलून दिल्याने तरुणीचा जागीच मृत्यू झाल्याची धक्कादायक घटना समोर आली. साताऱ्यातील कराड (Karad) तालुक्यात घडलेल्या या घटनेने शहरात मोठी खळबळ उडालीये. ध्रूव छिक्कर असे आरोपी प्रियकराचे नाव आहे. काल रात्री प्रेयसीची आई कराडमध्ये दाखल झाल्यानंतर मध्यरात्री 103 कलमाअंतर्गत ध्रुव वर गुन्हा दाखल करण्यात आला आहे. त्याच्यावर रुग्णालयात उपचार सुरू असल्यामुळे अध्यापक अटक करण्यात आलेली नसल्याचे सूत्रांनी सांगितले.
एकतर्फी प्रेमातून त्रास देत असल्याने बीएचएमएसच्या विद्यार्थिनीची आत्महत्या
छत्रपती संभाजीनगरमध्ये प्रेम विवाह केल्याने जावयाची हत्या केल्याचं प्रकरण ताज असतानाच छत्रपती संभाजीनगरमध्ये (Chhatrapati Sambhajinagar) एकतर्फी प्रेमातून त्रास देत असल्याने बीएचएमएसच्या (BHMS) विद्यार्थिनीने आत्महत्या केल्याची धक्कादायक घटना समोर आली आहे. यामुळे शहरात एकच खळबळ उडाली आहे. ऑनर किलींग, आत्महत्या, हत्या अशा घटना प्रेम प्रकरणांतून घडल्याने संपूर्ण महाराष्ट्र संतापलाय.
काही दिवसांपूर्वी छत्रपती संभाजीनगरमधील (Chhatrapati Sambhajinagar) इंदिरानगर परिसरात माणुसकीला काळीमा फासणारी घटना घडली होती. आंतरधर्मीय प्रेमविवाह (Marriage) केल्याच्या रागातून मुलीचे वडील आणि चुलत भावाने जावयावर चाकूने गंभीर वार करून हत्या केली होती. बापानेच जातीभेदापोटी मुलीचे कुंकू पुसले. या घटनेमुळे छत्रपती संभाजीनगरमध्ये तीव्र संताप व्यक्त केला जात असतानाच आता बीएचएमएसच्या विद्यार्थिनीने टोकाचे पाऊल उचलल्याची धक्कादायक घटना घडली आहे.
इतर महत्वाच्या बातम्या
Navi Mumbai Crime: उरण हत्याकांडात आणखी एक ट्विस्ट, आदल्या दिवशीच यशश्री शिंदे जुईनगरला दाऊद शेखला भेटली, त्या फोटोंबाबत नवा खुलासा
महत्त्वाच्या बातम्या
ट्रेंडिंग न्यूज
