Dilip Walse-Patil On Sharad Pawar: जनतेनं एकदाही पवारांना मुख्यमंत्री केलेलं नाही : दिलीप वळसे-पाटील

अजित पवार गटाचे नेते आणि शरद पवारांचे अनेक वर्षं सहकारी राहिलेले दिलीप वळसे पाटील यांनी पवारांवर घणाघाती टीका केलीये. जनतेन एकदाही बहुमत देऊन पवारांना मुख्यमंत्री केलं नाही असं वळसे पाटील रविवारी एका कार्यक्रमात म्हणाले. या विधानामुळे राजकीय क्षेत्रात बरीच खळबळ माजली आहे. कारण वळसे पाटील आता जरी अजित पवारांसोबत असले तरी ते पवारांचे अतिशय विश्वासू मानले जायचे. पवारांचे एकेकाळचे स्वीय्य सहाय्यक ते राज्याचे गृहमंत्री हा त्यांचा प्रवास अनेकदा चर्चेचा विषय देखील असतो. असं असताना पवारांवर इतकी बोचरी टीका वळसेंनी का केली असावी, याची चर्चा आता रांगू लागलीये.